Dentro da casca, Artur sentíase seguro, pero moi incómodo. O seu cuarto quedáralle pequeno, ata que descubriu que aquel ovo era unha parte moi pequena dun mundo enorme e descoñecido.

ARTUR” é un álbum infantil escrito polo profesor de Cangas Xosé Manuel González ‘Oli’ e ilustrado por Marc Taeger, suizo afincado en Bueu. De ‘Oli’ destacan outras obras como “Once damas atrevidas” e “O pirata pata de lata”, mentres que Marc ilustrou títulos como “A verdadeira historia de Carapuchiña”, “Aquiles o puntiño”, “Garavanciño” e “Tic-tac”, editados por KALANDRAKA.

“Artur”, editado no selo Faktoría K, é un libro de cartón duro especialmente dirixido a pre-lectores e primeiros lectores. Está publicado en sete linguas: galego, castelán, catalán, euskera, portugués, inglés e italiano.

SÁBADO 8 DE OUTUBRO, 12:00 HORAS. PRESENTACIÓN NA LIBRARÍA BULE-BULE, DE MARÍN.


Deja un comentario