“A Vitamina N é a que nos fortalece cada vez que estamos suficiente tempo en contacto coa natureza”

A Torre”, de Antonio Sandoval, é unha nova aproximación á Torre de Hércules e á súa contorna dende unha visión polisémica do monumento e do territorio circundante. A partir dun paseo, o autor foi recollendo descricións da natureza, sensacións, relatos históricos e míticos, reflexións de actualidade e ideas sobre como cambiar o xeito no que a especie humana se relaciona coa biodiversidade.

Antonio Sandoval debullará as súas propostas na presentación da obra, este xoves ás 19:30 horas na libraría Moito Conto (San Andrés, 35) da Coruña. Canda el participarán a directora da Torre de Hércules, Ana Santorum, e o director de KALANDRAKA, Xosé Ballesteros, que introducirá “A Torre” no marco da nova colección Vitamina N de lecturas sobre a natureza.

En “A Torre”, o protagonismo do mar, xunto coa importancia da flora e da fauna nun espazo xeográfico senlleiro, complétanse con narracións sobre feitos históricos que tiveron alí o seu escenario. O autor tamén analiza cuestións de actualidade arredor do mundo dixital, do impacto das redes sociais ou da crise de valores. Relatos que teñen o monumento da Torre de Hércules -Patrimonio da Humanidade dende 2009- como fío condutor, na súa condición de faro, referente arquitectónico da antigüidade e icona social contemporánea.

LECTURAS AO NATURAL

“Somos natureza, criaturas naturais”, sostén Antonio Sandoval, coordinador de Vitamina N, de aí a urxencia de restaurar e reconstruír os equilibrios ecolóxicos que hoxe en día están rotos ou en serio perigo de conservación. Estas “Lecturas ao Natural” -lema da colección- pretenden celebrar o mundo natural e invitar á reflexión sobre a necesaria protección da biodiversidade, coa literatura como plataforma para impulsar os oportunos cambios de actitude.

Partindo do concepto de “Transtorno por déficit de natureza”, desenvolvido polo escritor Ricard Louv para explicar as doenzas físicas, sensoriais, emocionais e culturais motivadas polo desapego do medio natural, Vitamina N aspira a combater esas alteracións motivando as lectoras e os lectores a recobrar o contacto coa biodiversidade, a comprendela, admirala e respectala dun modo consciente, san e construtivo, activando “un compromiso persoal e social cada vez maior coa súa conservación e recuperación”, explica Sandoval.

“Motivar a través da literatura a persoas de todas as idades para recobrar e manter un contacto consciente, san e construtivo coa biodiversidade”

Despois de “A Torre”, a colección continuará con “Corredoira”, de Robert Macfarlane. Xesús Fraga realizou a tradución ao galego de ambos títulos, que contan coa proposta gráfica do ilustrador Adrià Fruitós. Son libros impresos en papel procedente de bosques e plantacións xestionados con estándares que garanten a explotación sostible dos recursos. As Lecturas ao Natural de Vitamina N cumpren así cos requisitos ambientais e sociais recollidos no proxecto «Libros amigos dos bosques».

Antonio Sandoval é escritor, comunicador ambiental e ornitólogo. Entre os seus libros figuran “¿Para qué sirven las aves?”, “Las aves marinas de Estaca de Bares. Un diario personal”, “BirdFlyway. Un viaje en familia por la Ruta de las Aves” ou “A árbore da escola”. Colabora con diversos medios de comunicación e revistas científicas. Ten participado en proxectos de comunicación e educación ambiental, interpretación do patrimonio e turismo de natureza. Está vencellado a organizacións de estudo e conservación do medio natural, e forma parte do Instituto Xosé Cornide de Estudios Coruñeses.


Na semana do 8 de Marzo, entre os libros a prol da igualdade, cómpre darlle preponderancia a un singular personaxe, xa clásico e imprescindible da Literatura Infantil e Xuvenil: Pippi Mediaslongas.

«Deixar a Pippi en liberdade» significa, entre outras moitas cousas, volver ás súas páxinas por primeira ou por enésima vez, entregarnos á lectura (con nenas e/ou nenos moitísimo mellor) e enchouparnos deses aires de liberdade e dese arrecendo a infancia, a independencia e a autenticidade que caracteriza estes relatos da autora sueca Astrid Lindgren.

  • Icona da diferenza, estímulo de igualdade

Pippi é unha nena que vive na compaña dun mono e dun cabalo, mais sen ningún adulto. É moi alegre e moi dinámica, viste como quere, pensa por si mesma e vai descubrindo o mundo a golpe de aventuras e de aventurarse, sen moito máis control que o que ela mesma se impón. Pippi ten pencas, o pelo roxo con dúas trenzas tesas, usa medias a raias e unhas botas con cordóns de cores diferentes. É unha nena valente e ten unha forza extraordinaria. Poderiamos non parar de describila; o caso é que, fagámolo como o fagamos, digamos o que digamos, non hai dúbida: Pippi está lonxe, moi lonxe do rol de nena vulnerable e fráxil, necesitada de aprobación social, e por iso haina que pór en valor para conmemorar o 8 de Marzo.

[Ilustracións orixinais e restauradas de Ingrid Vang Nyman]

Pippi é fundamentalmente diferente, simbolicamente diferente, e á vez encanta e seduce; unha clave que fixo que millóns de nenas e nenos do mundo a reciban cos brazos abertos. Quizais isto fía coa idea de que o respecto á diversidade e á diferenza en todas as ordes -de raza, de cultura, de xénero, de formas de facer e de sentir- é o único que pode igualarnos.

  • Rescatar a nosa nena

Pippi xa ten 73 anos. É un personaxe literario atemporal e adiantado ao seu tempo. Pippi Mediaslongas publicouse por primeira vez en 1945, con non poucas dificultades e rexeitamento por parte das editoriais. Astrid Lindgren sempre asegurou que malia que fose unha historia que escribira como agasallo para a súa filla no seu décimo cumpreanos, ela non se inspirou na rapaza, senón na nena que aínda habitaba nela mesma. Non cabe dúbida de que conseguíu rescatala. Ela estaba convencida de que o éxito de Pippi radicaba precisamente en que era unha nena, posto que o personaxe chocaba moito máis cos roles de xénero estereotipados que se tivera elixido un neno.

Está claro que en máis dunha ocasión e por máis dun motivo, a figura de Pippi Mediaslongas tece un fío de conexión coa esencia natural de nenas e nenos. Dalgún xeito, rescátaos, ponos en valor representando unha liberación para ambos. Tamén o vemos cando -como se fose Peter Pan- Pippi non quere medrar. Ela sabe da importancia de ser unha nena e do que perderá cando deixe de selo.

  • Derrubando tópicos na Literatura Infantil e Xuvenil

“Un libro para nenos pode conter episodios que resultan divertidos tanto para nenos como para para adultos. Tamén se poden escribir cousas que os adultos non entenden, que van dirixidas exclusivamente aos nenos. Pero os acenos ao mundo adulto por riba da cabeza dos nenos están totalmente prohibidos, son unha aldraxe para os pequenos lectores”.

[Astrid Lindgren, entrevistada por Isabel Carvajal: Revista CLIJ nº31, Setembro 1991]

Con declaracións coma esta, non pode estrañar que creara personaxes tan fondamente vencellados ao mundo infantil. A lectura de Pippi Mediaslongas abre fiestras e deixa entrar aire e frescura. Tamén abre portas, as da intriga, porque non se sabe nunca que pensa Pippi nin como actuará e iso fai que queiramos seguir lendo.

Pola contra, a cotío podemos atopar preocupacións por parte do mundo adulto con respecto á literatura entendida como ensinanza y así pénsase -algúns con pesadume, outros con ánimo- que nenas e nenos reproducirán os roles que están escritos. E se son as nenas as que poden reproducilos, a preocupación aumenta. Pero o certo, e iso sábeno as lectoras e os lectores, é que a literatura é pracer e un fin en si mesma. Por iso e ante as ameazas da non publicación das súas obras, Astrid Lindgren afirmaba:

“Los niños no imitan a Pippi. Saben que ela es única”.

[Astrid Lindgren, entrevistada por Isabel Carvajal: Revista CLIJ nº31, Setembro 1991]

Pippi pertence ao mundo da ficción, non anima as nenas e os nenos a ser coma ela, senón que vai máis aló. De aí que o título escollido para este artigo -Deixar a Pippi en liberdade- é permitir lela, sentila; porque tamén así se deixa que as nenas e os nenos sintan as súas propias diferenzas sen ser xulgados socialmente por iso.

 

Artigo de Lola Gallardo, pedagoga e especialista en Literatura Infantil e Xuvenil. Libraría Rayuela de Sevilla.

 


Antonio Rubio

O poeta Antonio Rubio, autor da colección “Do berce a lúa” para pre-lectores, ilustrada polo galego Óscar Villán e publicada por KALANDRAKA, visita Galicia durante esta semana.

Antonio Rubio en Santiago.

A primeira cita será mañá martes ás 18:30 horas na Galería Sargadelos de Santiago (Rúa Nova, 16), para impartir unha sesión formativa co lema “Do berce á lúa: o traballo poético na escola”. O encontro, aberto ao público e dirixido especificamente a educadores, bibliotecarios, mediadores, nais e pais, e público en xeral, está organizado polo Departamento de Educación e Cidadanía do Concello de Santiago no marco da XVI Campaña Municipal de Animación á Lectura, en colaboración con KALANDRAKA.

Antonio Rubio en Libros para Soñar

Antonio Rubio en Libros para Soñar

O mércores acudirá á libraría LIBROS PARA SOÑAR de Vigo (Rúa Triunfo, 1), onde participará en dúas actividades: ás 17:30 horas, na sesión de contos para bebés de 0 a 3 anos; e ás 19:00 horas, na charla-encontro “Do berce á lúa: o traballo poético na escola”. Na primeira cómpre inscribirse previamente no enderezo electrónico lps@kalandraka.com, mentres que a segunda é de acceso libre ata completar aforo.

Antonio Rubio na Coruña

A terceira parada será o xoves ás 19:00 horas na Coruña para reunirse cos lectores na libraría Moito Conto (Rúa San Andrés, 35), para os que tamén ofrecerá a sesión formativa “Do berce á lúa: o traballo poético na escola”.

“Do berce á lúa” son libros de cartón para nenos e nenas de 0 a 3 anos que axudan a “educar o ollo e adozar o oído”, como explica o Antonio Rubio. O texto destaca polo ritmo de lectura baseado no cancioneiro infantil, e mantén unha total equivalencia entre palabras e imaxes. As ilustracións de Óscar Villán resaltan sobre un fondo claro para facilitar a forza comunicativa.

Antonio Rubio dedicará os seus encontros co público adulto á poesía e á importancia deste xénero literario para a formación dos lectores. Nestas sesións, o autor reflexionará sobre as estratexias máis axeitadas para fomentar nos nenos e nenas -xa dende o berce- o gusto pola palabra poética. Entre as súas propostas, Antonio Rubio falará sobre cómo recuperar e ordenar a memoria poética, recoñecer e utilizar estruturas e recursos da tradición oral para, a partir da poesía tradicional, avanzar cara ás novas creacións.

O autor toledano foi mestre durante 40 anos; un traballo que compaxinou coa súa faceta literaria, á que se sumou tamén a súa contribución á dinamización das bibliotecas escolares. Participa en cursos de animación lectora e de formación do profesorado. Dirixe a colección de poesía ‘Trece Lunas’ do selo Faktoría K de Libros. Ademais, colabora activamente en proxectos de dinamización pedagóxica como Acción Educativa e Pizpirigaña.

É autor de numerosos libros para público infantil como “Almanaque musical”, “Cores” e “Números”; adaptacións de contos tradicionais como “A merliña” e “O poliño da abeleira”; e textos teóricos como “7 Llaves de cuento”, publicados por KALANDRAKA; ademais doutros títulos como “Versos vegetales”, “Tres cuentos de Urraca” e “El murciélago Aurelio” (de próxima publicación).

Antonio Rubio en Libros para Soñar

Antonio Rubio volverá a LIBROS PARA SOÑAR o venres 6 de maio, como invitado especial da habitual sesión de contacontos, a partir das 18:30 horas. Neste encontro cos lectores, dirixido a maiores de 3 anos, contará contos e recitará poemas das súas obras.

Antonio Rubio en LoboCoxo

Por último, o sábado día 7 trasladarase ao Espazo LoboCoxo de Bueu para participar, a partir das 12:00 horas, nunha sesión de contos e cancións dirixida a público infantil e familiar.

 


"Ganapán das palabras" en Libraría Paz

Libraría Paz

O libro “Ganapán das palabras”, do escritor Pepe Cáccamo e da artista María Xosé Fernández, asómase estes días ao escaparate de cinco librarías da cidade de Pontevedra: Seijas, Paz, Nobel, Pataka Frita e Amarante.

"Ganapán das palabras" en Libraría Amarante

Amarante

Na recta final deste mes do libro e da lectura no que KALANDRAKA cumpriu o seu 18º aniversario, e ás portas da celebración en maio do Día das Letras Galegas, esta acción serve para visibilizar a literatura infantil-xuvenil e invitar o público a atopar nela unha fiestra aberta á imaxinación e á creatividade.

"Ganapán das palabras" en Libraría Nobel

Libraría Nobel

“Ganapán das palabras” foi un dos primeiros títulos que saíu da factoría dos Libros para soñar de KALANDRAKA, en 1998. Recuperando as imaxes orixinais, KALANDRAKA vén de publicar unha edición especial deste álbum para botar unha ollada ás súas raíces e, ademais, sorprender os lectores de hoxe cun álbum creado para o público infantil de onte, pero que mantén plenamente a súa vixencia: cinco palabras aventureiras caen nun espello e vólvense do revés, nun enredo de rimas e de versos.

"Ganapán das palabras" en Libraría Pataka Frita

Libraría Pataka Frita

Así, seguindo o fío argumental do libro, cada unha desas cinco palabras foron representadas en cada unha das cinco librarías que participan deste xogo artístico-literario: pedra, cama, laranxa, lúa, pan.

"Ganapán das palabras" en Libraría Seijas

Libraría Seijas

“18 anos lendo contigo” é o lema que fía esta mostra escénica coa que KALANDRAKA tamén pretende poñer en valor o papel das librarías como axentes culturais.

.

[Montaxes e fotos: Mari-Sol García, deseñadora de KALANDRAKA]


"La escalera roja", presentación en Oletvm (Valladolid)

 

El ilustrador Fernando Pérez Hernando presenta “La escalera roja” en la Librería Oletvm de Valladolid (Pza. Salvador s/n). Publicado por KALANDRAKA, es un divertido álbum ilustrado para pre-lectores y primeros lectores, con un pájaro ingenuo y un ingenioso conejo como protagonistas. En su encuentro con los lectores, el autor explicará el proceso creativo de esta obra, algunas de cuyas ilustraciones originales van a estar expuestas en la librería.

“La escalera roja” ya entusiasmó al público que participó en la reciente Semana Cultural de Renedo de Esgueva, donde Fernando Pérez Hernando expuso ante pequeños y mayores el proceso creativo de esta obra. En la Biblioteca Municipal de Renedo le acompañaba Belén Sáez, de KALANDRAKA, en cuya voz sonaron las peripecias del peculiar pájaro que protagoniza esta fábula moderna.

"La escalera roja" en Renedo

"La escalera roja" en Renedo

"La escalera roja" en Renedo

"La escalera roja" en Renedo

"La escalera roja" en Renedo

"La escalera roja" en Renedo

"La escalera roja" en Renedo

"La escalera roja" en Renedo

"La escalera roja" en Renedo

Belén Sáez, de Kalandraka: "La escalera roja" en Renedo

"La escalera roja" en Renedo

"La escalera roja" en Renedo

"La escalera roja" en Renedo

"La escalera roja" en Renedo

"La escalera roja" en Renedo

"La escalera roja" en Renedo

"La escalera roja" en Renedo

"La escalera roja" en Renedo

 

[Reportaje fotográfico: Raúl González]


Presentación de "Leviatán" na libraría Versus de Vigo.

O artista vigués Ramón Trigo presentará este venres 6 de marzo, ás 20:30 horas, o seu último libro, “Leviatán”, galardoado co Premio Lazarillo de Álbum Ilustrado 2012 e publicado no selo Faktoría K. A presentación, na Libraría Versus de Vigo, tamén contará coa participación de Xosé Amoedo, do colectivo A Madriña Asociados, e do director de KALANDRAKA, Xosé Ballesteros. O propio Ramón Trigo fará unha intervención artística sobre a obra presentada.

Ambientado no mar, “Leviatán” narra unha historia novidosa e enigmática con referencias ao “Moby Dick” de Herman Melville e a textos bíblicos do “Libro dos Salmos”. No fondo, é un traballo cunha importante carga simbólica, xa que reflicte a complexa relación entre os seres humanos e a natureza, advertindo contra as graves agresións que sofre o noso planeta que, malia todo, continúa o seu cíclico devir.

Ramón Trigo, autor de "Leviatán".

Dende o punto de vista artístico, “Leviatán” destaca pola forza e pola expresividade das ilustracións, representadas cunha paleta de cores básica e trazos esquemáticos. A multiplicidade de planos e de perspectivas suxire un plantexamento cinematográfico na sucesión das imaxes, ao acompañar o ritmo da lectura. Ramón Trigo non escatima en metáforas visuais e sorprendentes xogos humorísticos nun único e desacougante escenario: o océano.

A nivel literario, trátase dunha historia con estrutura circular, a base de frases breves e descritivas. En conxunto, “Leviatán” destaca polo misterio co que atrapa a atención dos lectores, partícipes das peripecias da tripulación dun barco na súa ardua persecución dunha enorme balea, como alegorías do mundo e dos seus insensibles habitantes.

Esculturas e debuxos de Ramón Trigo baseados en "Leviatán"

Ramón Trigo iniciou a súa traxectoria artística como ilustrador e debuxante de cómic en xornais e revistas especializadas. As súas primeiras obras pictóricas datan da década dos 80; dende entón ilustra libros para varias editoriais e realiza exposicións, ademais da súa faceta como escultor.

A súa obra presentouse en países como Alemaña, Bélxica, Lituania, Italia e Portugal. Foi incluído na selección The White Ravens. Entre os galardóns recibidos figuran o Premio Arte Xoven Galego, os premios de álbum ilustrado infantil Cidade de Alacante e Cabildo de Gran Canaria, e o Premio Lazarillo. Ademais de “Leviatán”, en KALANDRAKA ten publicado tamén o álbum infantil “O pirata pata de lata“.

"Leviatán", de Ramón Trigo.


Ramon García Mateos ha presentado "De los álamos el viento" en Pati de Llibres, Sant Cugat.

“…Como la copla de ronda

nacida de una enramada

con flores de primavera

entre los labios de Laura…”

[Fragmengo de “Como una copla de ronda”: De los álamos el viento, Ramón García Mateos. Faktoría K, 2013]

Se había estrenado una nueva estación que reverdece tierras y almas por fuera y por dentro. Y con el equinoccio, los ecos del día de la poesía. Pati de Llibres, de Sant Cugat del Vallès, con Sónia Gómez como anfitriona, ha sido el escenario -con un ambiente muy acogedor- para la presentación del poemario de Ramón García Mateos, “De los álamos el viento”.

Literatura y música volvieron a formar un tándem mágico al unirse los versos de Ramón García Mateos con la voz y los acordes del cantautor Adolfo Osta, cuyo repertorio está especializado en el legado de trobadores, juglares y poetas árabes y judíos del Al-Andalus y Sefarad.

Seguir leyendo


"De los álamos el viento", en Pati de Llibres, Sant Cugat.

KALANDRAKA us convida a la presentació del poemari il·lustrat DE LOS ÁLAMOS EL VIENTO. Amb les intervencions de

-Carme Riera, escriptora i catedràtica de Literatura Espanyola

-Adolfo Osta, cantautor

RAMÓN GARCÍA MATEOS, autor

Dissabte 22 de març, 12:30h, Pati de llibres, llibreria infantil i juvenil. Sant Cugat del Vallès


Coa gran presentación de “Corasons” no Auditorio da Illa de Arousa este fin de semana, unha representación simbólica dos músicos e intérpretes que actuarán no concerto deste domingo ofreceu un pequeno petisco dese espectáculo na FNAC da Coruña.

Xoán Curiel, Isabel Leal, Magín Blanco, Carlos Blanco e Uxía interpretaron varias cancións do disco. Tamén se proxectou un fragmento do documental de Paco Abelleira, que recolle o espírito dun proxecto colectivo que partiu dunha serie de fotos nas que a figura do corazón é o eixe vertebrador de tanto talento reunido ao abeiro dunha lingua común, con artistas de Galicia, Portugal, Brasil, Mozambique, Cabo Verde e Angola.


Na recente presentación en Santiago, a Galería Sargadelos encheuse de público para escoitar, cantar e bailar con este monllo de cancións que arrecenden a campo, que soan como a roda do muíño, que saben a broa.

O ilustrador de “Pan de millo”, Dani Padrón, explicoulles o proceso de creación das imaxes, no que foi fundamental empaparse da letra e da música de todas as cancións. Unha, dúas, tres veces, dez… ou trece, quince veces máis, ata dar cos personaxes, coas paisaxes, coas formas e coas cores precisas.

As ilustracións de “Pan de millo” realizadas por Dani Padrón van permanecer expostas na Galería Sargadelos de Santiago ata o 12 de xaneiro. Con entrada libre, en horario comercial.

[Montaxe da exposición: Mari-Sol García e Xosé Pérez, de KALANDRAKA | Fotos: Mari-Sol García]