Houbo unha vez unha guerra. Despois da guerra, quedamos sen casa.

–Non importa –dixo miña nai–. Temos un coche.

Fomos vivir ao coche. Desde entón, vivir era viaxar…

“O principio” reflicte a tenrura fronte ao horror, a imaxinación ante a máis absoluta precariedade, a fortaleza ante o drama humano. Paula Carballeira é quen de poetizar sobre os efectos crueis e devastadores dunha guerra mentres as ilustracións realistas de Sonja Danowski trasladan os lectores ata as mesmas ruínas dos bombardeos.

Paula Carballeira (Fene, 1972) presentou “O principio” na libraría LIBROS PARA SOÑAR da Coruña, onde ata finais do mes de maio están expostas as ilustracións de Sonja Danowski, que se poden admirar en horario comercial. Faloulles a cativos e a maiores desta obra tan cálida e á vez tan crúa, que chega ao corazón deixando na memoria o pouso imborrable dunha mestura de melancolía e superación.

A próxima cita dos lectores con Paula Carballeira e “O principio” será o domingo 6 de maio, a partir das 18:00 horas, na Feira do Libro de Santiago que se celebra na Alameda.

———————————

Una vez hubo una guerra. Cuando acabó la guerra nos quedamos sin casa.

–No importa –dijo mi madre–, tenemos un coche.

Nos fuimos a vivir al coche. Desde entonces, vivir era viajar…

“El principio” refleja la ternura frente al horror, la imaginación ante la más absoluta precariedad, la fortaleza de la familia unida ante el drama humano. Paula Carballeira es capaz de poetizar sobre los efectos crueles y devastadores de una guerra mientras las ilustraciones realistas de Sonja Danowski trasladan a los lectores hasta las mismas ruinas de los bombardeos.

Paula Carballeira (Fene, 1972) presentó “El principio” en la librería LIBROS PARA SOÑAR de A Coruña, donde hasta finales de mayo están expuestas las ilustraciones de Sonja Danowski, que se pueden admirar en horario comercial. Les habló a pequeños y mayores de esta obra tan cálida y a la tan dura, que llega al corazón dejando en la memoria el poso imborrable de una mezcla de melancolía y superación.

La próxima cita de los lectores con Paula Carballeira y “El principio” será el domingo 6 de mayo, a partir de las 18:00 horas, en la Feria del Libro de Santiago que se celebra en la Alameda.

Esta obra sensible e tenra é tamén unha homenaxe ao libro como ferramenta pacífica, ás bibliotecas como faros luminosos de sabedoría que se apagan alí onde se instaura a violencia, á palabra oral como alimento da alma.

Malia todo, “O principio” transmite unha mensaxe de esperanza: a vida continúa, a risa flúe contaxiosa, os nenos non poden deixar de vivir a súa infancia aínda que un conflicto bélico queira arrebatarlla.

Paula Carballeira repasou tamén outros contos do seu repertorio, cheos de humor e vitalidade, que tanto implican a participación dos rapaces como a complicidade dos adultos. Licenciada en Filoloxía Hispánica, dende 1994 traballa como narradora oral.

Participou en programacións culturais en Galicia e noutras partes de España, así como Portugal, Brasil e Chile. Na súa faceta como actriz está vencellada ao grupo de teatro Berrobambán; tamén traballa en series de ficción para a TVG. Como escritora, publicou varios libros de poesía e de literatura infantil, entre os que figuran “Paco” e “Smara”, editados por KALANDRAKA.

…Edificios derruidos e rostros tristeiros que van mudando o ánimo sombrizo por un brillo especial na ollada, celebrando a vida. Sonja Danowski (Iserlohn, Alemaña) consegue plasmar a dozura do texto literario con delicadeza de precisión nos detalles.

Traballa como ilustradora freelance en Berlín; a súa obra mostrouse en varias exposicións (Polonia, China, Alemaña, Corea, Portugal) e recibiu diversos galardóns internacionais, como o Premio ao mellor libro alemán de deseño non publicado, en 2007. Foi seleccionada en tres ocasións para a Mostra de Ilustradores da Feira do Libro Infantil e Xuvenil de Boloña e tamén, por tres veces, na Bienal Ilustrarte de Portugal.

——————————————————

Esta obra sensible y tierna es también un homenaje al libro como herramienta pacífica, a las bibliotecas como faros luminosos de sabiduría que se apagan allí donde se instaura la violencia, a la palabra oral como alimento del alma.

A pesar de todo, “El principio” transmite un mensaje de esperanza: la vida continúa, la risa fluye contagiosa, los niños no pueden dejar de vivir su infancia aunque un conflicto bélico quiera arrebatársela.

Paula Carballeira repasó también otros cuentos de su repertorio, llenos de humor y vitalidad, que tanto implican la participación de los niños como la complicidad de los adultos. Licenciada en Filología Hispánica, desde 1994 trabaja como narradora oral.

Participó en programaciones culturales en España, Portugal, Brasil y Chile. En su faceta como actriz está vinculada al grupo de teatro Berrobambán; también trabaja en series de ficción para la Televisión de Galicia. Como escritora, ha publicado varios libros de poesía y literatura infantil, entre los que figuran “Paco” y “Smara”, editados por KALANDRAKA.

…Edificios derruidos y rostros tristes que van cambiando el ánimo sombrío por un brillo especial en la mirada, celebrando la vida. Sonja Danowski (Iserlohn, Alemania) consigue plasmar la dulzura del texto literario con delicadeza y precisión en los detalles.

Trabaja como ilustradora freelance en Berlín; su obra participó en varias exposiciones (Polonia, China, Ale-mania, Corea, Portugal) y recibió diversos galardones internacionales, como el Premio al mejor libro de diseño no publicado, en 2007. Fue seleccionada en tres ocasiones para la Muestra de Ilustradores de la Feria del Libro Infantil y Juvenil de Bolonia y también, por tres veces, en la Bienal Ilustrarte de Portugal.

Reseñas:

“O PRINCIPIO” (galego)

“EL PRINCIPIO” (español)

“COMENÇAR” (català)

“HASIERA” (euskera)

“THE BEGINNING” (English)

“O PRINCÍPIO” (portugués) [DISPONÍVEL NAS LIVRARIAS A PARTIR DE 11 DE MAIO]

“L’INIZIO” (italiano)

LIBROS PARA SOÑAR-A CORUÑA (Avda. Fisterra, 64) acolle unha exposición de doce ilustracións do debuxante David Pintor (A Coruña, 1975). “Un paseo ilustrado II” poderase visitar ata o 16 de abril en horario comercial. A mostra presenta unha escolma de traballos incluidos en diversos libros infantís, algúns deles editados por KALANDRAKA, como “Contos para nenos que dormen deseguida”, “Compostela” ou “Almanaque musical”. Este último presentarase o venres 23 de marzo ás 19:00 horas, nun acto aberto ao público, coa asistencia de David Pintor.

Parte das ilustracións incluidas en “Un paseo ilustrado II” son o resultado de diversas experiencias viaxeiras: Compostela, Florencia, Amsterdam… As paraxes naturais e as paisaxes urbanas -aderezadas con elementos imaxinarios- están presentes na obra de David Pintor, que comparte cos lectores a súa impresión dos lugares que visita, plasmándoa en imaxes fermosas e lixeiras nas que o propio debuxante se retrata coma un turista accidental, un novo Hermes, un Gulliver contemporáneo.

As ilustracións de “Almanaque musical” acompañan os doce poemas creados polo escritor Antonio Rubio para describir cada un dos doce meses do ano. Son composición nas que o fío condutor é a música clásica, cos intérpretes dunha peculiar orquestra de intrumentos de corda. Cos seus inseparables violíns, violas e violonchelos, e elegantemente conxuntados, os músicos que representa David Pintor adoptan posicións e situacións divertidas, fóra do habitual contexto dunha sala de concertos: celebrando a primavera nun bosque florecido, tomando o sol no verán, revoando entre as follas secas do outono ou patinando sobre o xeo do inverno a ritmo de valse ou sinfonía.

David Pintor é humorista gráfico, ilustrador e pintor. Dende 1993 pertence ao tándem Pinto&Chinto, que publican as súas viñetas en La Voz de Galicia. En 2011 foi finalista dos CJ Picture Book Awards e incluido na lista The White Ravens con “Contos para nenos que dormen deseguida”; foi seleccionado para expór en varias edicións da Bienal de Ilustración de Bratislava e da Feira Internacional do Libro Infantil e Xuvenil de Boloña. Recibiu, entre outros, o premio da Society of News Design, o Premio Pura e Dora Vázquez, o Premio Internacional Clermont-Ferrand de cadernos de viaxe, e o Premio Ilustrador do Ano Città del Sol.

“Un paseo ilustrado II” é a continuación dunha exposición homónima que xa protagonizara o pasado mes de xaneiro o ilustrador Óscar Villán en LIBROS PARA SOÑAR-A CORUÑA.

…Tomar la palabra! Es el lema del narrador camerunés Boniface Ofogo, autor del álbum “El león Kandinga”, que recorre toda nuestra geografía y viaja incluso a otros países proclamando la importancia de la oralidad y contando cuentos tradicionales africanos. En su paso por la librería Libros para Soñar de Vigo no se encontró con niños y niñas ávidos de historias, sino con adultos que querían conocer cómo se transmitía esa herencia mágica e inmaterial: “Todas las noches, en mi casa, a falta de luz y de televisión, hacíamos veladas en torno al fuego, a base de cantos, cuentos, leyendas, epopeyas, proverbios, mitos… durante horas y horas”, explicó Boni

En su reciente estancia por Galicia también visitó un centro escolar de A Coruña, donde tuvo la oportunidad de acercarse hasta la librería Libros para Soñar de la Avenida de Fisterra. Pero sin duda, donde más intensos fueron el recibimiento y los aplausos fue en el colegio San Narciso, en Marín, donde Boni compartió con varios grupos de escolares de Educación Primaria los recuerdos de su niñez en la Ecole Publique de Baliama, curiosidades sobre Camerún, y cuentos, muchos cuentos!

—————————

…Tomar a palabra! É o lema do narrador camerunés Boniface Ofogo, autor do álbum “O león Kandinga”, que percorre toda a nosa xeografía e viaxa mesmo a outros países proclamando a importancia da oralidade e contando contos tradicionais africanos. No seu paso pola libraría Libros para Soñar de Vigo non se atopou con nenos e nenas ávidos de historias, senón con público adulto que quería coñecer como se transmitía esa herdanza máxica, ancestral e inmaterial: “Todas as noites, na miña casa, a falta de luz e de televisión, faciamos veladas arredor do lume, a base de cantos, contos, lendas, epopeas, proverbios, mitos… durante horas e horas”, explicou Boni.

Na súa recente estancia por Galicia tamén visitou un centro escolar da cidade da Coruña, onde non perdeu a ocasión de achegarse ata a a libraría Libros para Soñar da Avenida de Fisterra. Pero sen dúbida, onde máis intenso foron o recibimento e os aplausos foi no colexio San Narciso, en Marín, onde Boni compartiu con varios grupos de escolares de Educación Primaria as lembranzas da súa nenez na Ecole Publique de Baliama, curiosidades sobre Camerún e contos, moitos contos!

Si a la práctica de la palabra oral le debemos nuestra condición de seres humanos, es porque necesitamos que nos cuenten historias, aunque no sean ciertas. “¿Somos tontos? ¡No! Somos muy inteligentes, por eso necesitamos agarrarnos a la ficción”. Y no fue hasta los 12 años cuando, por primera vez, tuvo un libro en sus manos: “20.000 leguas de viaje submarino”, de Julio Verne, que le dejó una gran huella. Casi tan profunda como su devoción por la transmisión oral de la palabra, de generación en generación: “Cuando un anciano muere en África, es una biblioteca que se quema”, advierte Boni, que define los cuentos como “una escuela de emoción, afectividad y ternura”.

Contar historias desarrolla nuestra capacidad para la escucha y cubre una serie de funciones básicas a nivel didáctico, comunicativo, psicológico y antropológico. Todo cuanto Boni ha experimentado desde el punto de vista personal, como receptor directo de un bagage de valor incalculable en el seno de su familia y de su pueblo, y también como profesional de la narración oral, lo ha plasmado por escrito en un libro titulado “Una vida de cuento”, editado por el Centro de Recursos para la Atención a la Diversidad Cultural en Educación.

Se á práctica da palabra oral lle debemos a nosa condición de seres humanos, é porque precisamos que nos conten historias, aínda que non sexan certas. “Somos parvos? Non! Somos moi intelixentes, por iso necesitamos agarrarnos á ficción”. E non foi ata os 12 anos cando, por primeira vez, Boni tivo un libro nas súas mans: “20.000 leguas de viaxe submarina”, de Xulio Verne, que lle deixou unha fonda pegada; case tanto coma a súa devoción pola transmisión oral da palabra, de xeración en xeración: “Cando un ancián morre en África, é unha biblioteca que se queima”, advirte Boni, que define os contos como “unha escola de emoción, afectividade e tenrura”.

Contar historias desenvolve a nosa capacidade para a escoita e cobre unha serie de funcións básicas a nivel didáctico, comunicativo, psicolóxico e antropolóxico. Todo canto Boni experimentou dende o punto de vista persoal, como receptor directo dunha bagaxe de valor incalculable no seo da súa familia e do seu pobo, e tamén como profesional da narración oral, plasmouno por escrito nun libro titulado “Una vida de cuento”, editado polo Centro de Recursos para la Atención a la Diversidad Cultural en Educación.

[Visita de Boni Ofogo a un centro escolar de A Coruña]

[En Libros para Soñar - A Coruña]

[En Marín, con escolares del Colegio San Narciso | En Marín, con escolares do Colexio San Narciso]

Coa súa cuberta de vinilo transparente, a curiosidade é a primeira emoción que suscita “Hasta el infinito”. Que hai detrás dun minimalista e enigmático collage de formas circulares e poligonais feitas de cartón branco? Kveta Pacovská dálles a benvida aos lectores deste libro peculiar: “Las letras: arquitectura del placer”, un enunciado que nos abre a porta a un mundo dominado pola cor, a xeometría, o tacto, a orde e o caos, o continente e o contido, a materia e o baleiro. As vocais e as consoantes convértense nos personaxes humanizados ou cousificados dunha historia que se constrúe na imaxinación de cada un. De súpeto, as páxinas troqueladas invítannos a percorrer cos dedos os ocos que deixaron as letras que fuxiron do papel, na procura da liberdade. Outras páxinas son destellos de luz, espellos nos que a realidade se reflicte dunha forma difusa e enigmática. Entón, xorde do corazón do libro unha estrutura en tres dimensións: unha máscara de entroido, un refuxio das palabras, unha escultura do alfabeto. O aire habita no interior desta obra; cólase por grandes aberturas ou por pequenos buraquiños dispostos ao azar, creando sons rebuldeiros que se impregnan da pátina brillante que adorna algúns recunchos. A viaxe vai rematando nos números, que desafían as leis da gravidade, que practican o xogo da matemática fantástica, e da que resultan contas onde calquera resultado é válido. É entón cando descubrimos marabillados que “Hasta el infinito”, como di o seu título, non ten final, porque acaba onde tamén pode comezar outra vez. E repetimos!

Ata o 28 de febreiro, exposición da obra de Kveta Pacovská na libraría Libros para Soñar de Vigo (r/ Triunfo, 1) e ata o 12 de marzo na libraría Libros para Soñar da Coruña (Avda. Fisterra, 64). Actividade incluida no marco do Festival de Literatures i Arts Infantil i Juvenil FLIC que se organiza dende Cataluña.

Con su cubierta de vinilo transparente, la curiosidad es la primera emoción que suscita “Hasta el infinito”. ¿Qué hay detrás de un minimalista y enigmático collage de formas circulares y poligonales hechas de cartón blanco? Kveta Pacovská les da la bienvenida a los lectores de este libro peculiar: “Las letras: arquitectura del placer”, un enunciado que nos abre la puerta a un mundo dominado por el color, la xeometría, el tacto, el orden y el caos, el continente y el contenido, la materia y el vacío. Las vocales y las consonantes se convierten en los personajes humanizados o cosificados de una historia que se construye en la imaginación de cada uno. De repente, las páginas troqueladas nos invitan a recorrer con los dedos los huecos que dejaron las letras que huyeron del papel buscando la libertad. Otras páginas son destellos de luz, espejos en los que la realidad se refleja de una forma difusa y enigmática. Entonces, surge del corazón del libro una estructura en tres dimensiones: una máscara de carnaval, un refugio de las palabras, una escultura del alfabeto. El aire habita en el interior de esta obra; se cuela por grandes aberturas o por pequeños agujeros dispuestos al azar, creando sonidos traviesos que se impregnan de la pátina brillante que adorna algunos rincones. El viaje va terminando en los números, que desafían las leyes de la gravedad, que practican el juego de la matemática fantástica, y de la que resultan cuentas donde cualquier resultado es válido. Es entonces cuando descubrimos maravillados que “Hasta el infinito”, como dice su título, no tiene final, porque acaba donde también puede comenzar otra vez. ¡Y repetimos!

Hasta el 28 de febrero, exposición de la obra de Kveta Pacovská en la librería Libros para Soñar de Vigo (r/ Triunfo, 1) y hasta el 12 de marzo en la librría Libros para Soñar de A Coruña (Avda. Fisterra, 64). Actividad incluida en el marco del Festival de Literatures i Arts Infantil i Juvenil FLIC que se organiza desde Cataluña.

Actividades sobre Kveta Pacovská en Libros para Soñar-Vigo:

Actividades sobre Kveta Pacovská en Libros para Soñar-A Coruña:

O artista plástico Pablo Otero (Ourense, 1970) visitou a libraría Libros para Soñar-A Coruña para presentar a edición especial de “Contos por teléfono” que acaba de publicar KALANDRAKA, cos textos maxistrais do mestre e pedagogo italiano Gianni Rodari. As súas ilustracións elevan á enésima potencia o carácter surrealista, imaxinativo e insólito das historias. Pablo Otero interpretou os relatos con imaxes dun alto contido simbólico, que lles achegan valor engadido con audacia e imaxinación, xogando coas cores.

O ilustrador guiounos polos cadros orixinais que están expostos ata finais deste mes de outubro en Libros para Soñar-A Coruña, comparando os lenzos coa edición impresa, debullando as intrahistorias secretas de cada imaxe. E a súa portentosa creatividade tamén nos deleita a cotío, grazas á espectacular e marabillosa composición que loce no escaparate da libraría, inspirada na portada do libro: un teléfono xigante de tea, unha escaleira que nos transporta ao mundo onírico e máxico e Rodari, pedras de cores que iluminan o noso camiño, letras para xogar coas palabras… 

“…A chuvia durou pouco, pero deixou as rúas cubertas por unha alfombra de caramelos de sabores que estralaban baixo os pés. Os rapaces, ao volveren da escola, aínda puideron encher as mochilas con eles. As vellas fixeran uns sacos xuntando os panos da cabeza. Foi un gran día. Aínda hoxe moita xente agarda que do ceo chovan caramelos, pero aquela nube non volveu pasar nin por Piombino nin por Turín, e quizais non pase nin sequera por Cremona”.

Do relato “A famosa chuvia de Piombino”, de Gianni Rodari. Edición especial de KALANDRAKA (outubro, 2011) ilustrada por Pablo Otero.

O número 64 da Avenida de Fisterra desprende colorido, orixinalidade e bo gusto. A ninguén lle pasa desapercibido esta chamativa intervención artística de Pablo Otero no escaparate de Libros para Soñar-A Coruña. Para a pena facer un alto no camiño para deterse a analizar cada detalle: a curvatura do teléfono de tea, as cores que salfiren os chanzos da escaleira, a combinación dos cantos rodados, as letras estratexicamente situadas no conxunto…

Ata finais deste mes de outubro, Libros para Soñar-A Coruña acolle a exposición das ilustracións orixinais de “Contos por teléfono”, de Pablo Otero. A mostra pódese visitar en horario comercial. Cómpre destacar tamén as pinturas murais que decoran a libraría, obra do propio artista. 

Na Coruña, o artista plástico Pablo Otero presenta o seu último traballo: as ilustracións do libro “Contos por teléfono” (KALANDRAKA), do gran mestre e pedagogo italiano Gianni Rodari. As ilustracións de Pablo Otero están expostas na libraría e pódense visitar ata finais deste mes en horario comercial.

Pablo Otero guiaranos a través das palabras e das imaxes desta maxistral obra literaria coa que medraron varias xeracións de nenos e nenas. A imaxinación rebordante, a chiscadela surrealista, e a liberdade creativa dos relatos, trasládase tamén ás ilustracións, cheas de colorido e expresividade, realizadas cun perfeccionismo e cun detalle exquisito, para asombrar e sorprender os lectores.

En Vigo retómase a programación de actividades, cun mes de outubro adicado aos libros de arte. Volven as sesións de contacontos dos venres para público infantil e familiar, volven as sesións de contos para bebés dos mércores quincenalmente, volven as exposicións de ilustracións, volven os cursos de formación…

Neste agardado reencontro, Libros para Soñar-Vigo vístese coas ilustracións de Marc Taeger para o álbum infantil “Artur”, un texto de Xosé Manuel González ‘Oli’ editado por FAKTORÍA K. No repertorio de contos, achegarémonos á figura dun dos pintores máis universais, Diego Velázquez, e a un dos seus cadros máis senlleiros, As Meninas. O libro “Un cadro de Velázquez”, de Claire D’Harcourt (FAKTORÍA K) ten todas as claves desta obra e do seu autor.

E xa está aberto o prazo para incribirse no curso de contacontos que vai impartir no mes de outubro a actriz e narradora Bea Campos. As sesións celebraranse do 14 ao 19 de novembro de 17 a 20 horas, e o prezo é de 45 euros.

Libros para Soñar xa está dando os seus primeiros pasos na cidade da Coruña. A festa de inauguración foi todo un éxito de público que impregnou a libraría de ledicia, de optimismo, e de agarimo. Familias, docentes, profesionais das bibliotecas, autores e ilustradores, entusiastas da lectura… a todos, moitas grazas por ser partícipes desta iniciativa audaz, nos tempos de incertidume que corren, pero necesaria, para apostar polo futuro, que son os nenos e as nenas, e pola cultura, co libro e coa lectura como ferramentas para contribuir á construcción dun mundo mellor.

Os contos e a música foron o fío condutor da sesión inaugural, na que o director de Kalandraka, Xosé Ballesteros, lle deu a benvida a Libros para Soñar na Coruña, seguindo a consolidada estela de Libros para Soñar en Vigo, que leva máis dunha década tecendo unha estreita relación entre literatura e arte, lectura e infancia, ámbito académico e formación continua. Tras unha proveitosa traxectoria na libraría Quimbamba, que fora a primeira libraría especializada en Literatura Infantil e Xuvenil da Coruña, María e Marta Castro collen o testigo para que a fermosa semente dos Libros para Soñar agrome vizosa na costa norte galega.

Patricia González e Álex Fente, voz e música do equipo de animación á lectura de KALANDRAKA, romperon o xeo contando e interpretando “Un becho estraño”. Trátase dun conto circular para pre-lectores e primeiros lectores, escrito por Mon Daporta, ilustrado por Óscar Villán, e publicado por FAKTORÍA K . Mans e brazos arriba, abaixo, rodeando un grande ovo imaxinario… psicomotricidade intensiva para contar e cantar, a ritmo de acordeón.

A mestra de Educación Infantil e narradora Ana Abelenda tamén fixo as delicias dos máis cativos contando as aventuras do ratiño “Frederick”, unha das creacións máis entrañables do autor e ilustrador Leo Lionni que KALANDRAKA publicou nun cómodo formato de cartón. E ademais, manexando as cartas da baralla, aprendemos que os cabaleiros, as sotas e os reis tamén poden ser personaxes fantásticos, como os que protagonizan “Batalla de naipes”.

Acompañounos Olalla González, adaptadora de contos tradicionais como “Chibos chibóns” e “Garavanciño”. Entre todos, cantamos o retrouso deste último relato: “Pachín, pachán, pachón, moito coidado co que facedes. Pachín, pachán, pachón, a Garavanciño non pisedes…”. As ilustracións de Marc Taeger guiáronnos por un sendeiro a través do bosque na procura do boi que comera ao pequeno protagonista deste álbum. Como moitos nenos e nenas, Olalla creceu escoitando esta historia que lle contaba a súa avoa.

Outras invitadas especiais na apertura de Libros para Soñar na Coruña foron as libreiras de Libros para Soñar en Vigo, Carmela e Sandra. “Bailar nas nubes”, o relato co que Vanina Starkoff foi finalista do III Premio Internacional Compostela, foi a historia sobre multiculturalidade que narrou Sandra; un conto cheo de colorido para iluminar os soños dos lectores, con palabras como tolerancia, solidariedade, música ou diálogo.

E Alberto Barreiro ‘Warren’ puxo o broche final animando “A mora” co seu acordeón, facéndonos cantar un conto popular sefardí no que a memoria é fundamental para enlazar a todos os protagonistas deste relato. E bailamos e saboreamos nubes doces para despedir a sesión cun sorriso.

Pero entre todas as sorpresas, a máis emocionante foi a que tiñamos preparada para o artista plástico Pablo Otero, que plasmou o seu talento creativo nos murais que decoran as paredes de Libros para Soñar. As ilustracións que realizou para o libro de relatos “Contos por teléfono”, do mestre e pedagogo italiano Gianni Rodari, están expostas na sala ata finais deste mes de outubro. Premiamos a súa xenerosidade e o seu traballo obsequiándolle o primeiro exemplar que sae do prelo de “Contos por teléfono”, que recibiu con moito asombro e moita emoción. Grazas, Pablo!

E grazas a todas as persoas, amigas ou anónimas, que se achegaron ata este recuncho que, a partir de agora, quere ofrecervos libros e lecturas de calidade para cativos e para maiores, e acompañar o voso tempo de ocio cun programa de actividades que iremos debullando de vagar. A próxima cita será a presentación de “Contos por teléfono”, con Pablo Otero, e o equipo de animación á lectura de Kalandraka.

Chegou o gran día da inauguración da libraría Libros para Soñar na Coruña. A partir das 18:00 horas, sesión inaugural de contos e música.

Visita o blog de LIBROS PARA SOÑAR.

A partir de mañá, os Libros para Soñar van asomar ás rúas da Coruña para entrar polos ollos dos lectores e lectoras, e chegar aos seus corazóns. Cunha composición sinxela e harmoniosa, o escaparate da nova libraría infantil e xuvenil reúne varios títulos do catálogo de FAKTORÍA K: o ritmo poético de “Para facer o retrato dun paxaro” (Jacques Prévert-Mordicai Gerstein); o xogo visual de “Un cadro de Picasso” e “Un cadro de Velázquez” (Claire D’Harcourt) cos lenzos de Guernica e das Meninas; e o enfoque didáctico de “Mirar a pintura” e “Descubrir a arte” (Caroline Desnoëttes).

Enlaza co blog de LIBROS PARA SOÑAR.

Comeza a conta atrás para a inauguración de LIBROS PARA SOÑAR-A Coruña. Faltan só tres días para abrir ao público este novo espazo adicado á Literatura Infantil e Xuvenil e á promoción da lectura entre a xente máis nova. A libraría vai amosando xa algúns dos seus recunchos máis especiais…

Porque os protagonistas son os nenos e nenas, a zona infantil destaca polo seu colorido e pola presenza de elementos que buscan a súa complicidade: estes días, directamente chegado dende os bosques de Bengala, recibimos a un félido amigo que invita a ler “O tigre que veu tomar o té”.

Unha cómoda butaca é o lugar ideal para que os maiores lean e escoiten o libro-cd-dvd “Na punta do pé”, para aprender a danzar e a cantar ritmos musicais galegos e portugueses.

De pintar os murais que decoran LIBROS PARA SOÑAR ocupouse o artista plástico galego Pablo Otero, que se inspirou nas ilustracións do libro “Contos por teléfono”, a emblemática obra do escritor e pedagogo italiano Gianni Rodari que moi pronto verá a luz no catálogo dos Libros para Soñar de KALANDRAKA.

E ocupando unha parte preferencial, os andeis das novidades, con interesantes propostas de lectura para cativos de todas as idades, dende os pre-lectores que se inician no manexo dos libros con materiais de tea, madeira ou cartón, ata os lectores autónomos que xa len álbums ilustrados e conxuntos de relatos.

Queredes saber como é o primeiro escaparate de LIBROS PARA SOÑAR-A Coruña? Mañá, nun próximo artigo, poderédelo ver. Unha pista: é de temática artística.

LIBROS PARA SOÑAR é unha libraría especializada en Literatura Infantil e Xuvenil que esta semana abre as súas portas na cidade da Coruña. O acto de inauguración, no que vai participar o equipo de animación á lectura de KALANDRAKA, xunto con varios autores e ilustradores, consistirá nunha sesión especial de contos e música, aberta ao público, que se vai celebrar este venres 30 de setembro a partir das 18:00 horas.

Este novo espazo pon a disposición dos nenos e nenas e das súas familias, dos docentes e animadores socioculturais, dos bibliotecarios e lectores en xeral, tanto infantís como adultos, unha ampla selección do máis salientable do panorama editorial. Tamén conta cun lugar de lectura e cunha sala para realizar sesións de contacontos, obradoiros infantís de plástica e de escrita creativa, cursos de formación para mediadores e profesionais do ensino, e exposicións de ilustracións orixinais co obxectivo de inculcar a sensibilidade estética necesaria para apreciar o traballo dos artistas plásticos nos libros.

O ilustrador Pablo Otero -ourensán afincado na Coruña- protagoniza a primeira mostra: as imaxes do álbum “Contos por teléfono”, un libro de relatos do escritor italiano Gianni Rodari, un dos principais renovadores da pedagoxía moderna, que vai ser unha das próximas novidades no catálogo de KALANDRAKA.

Coa súa variada oferta bibliográfica e cun atractivo programa de actividades, LIBROS PARA SOÑAR, no número 64 da Avenida de Fisterra, proponse actuar como un espazo acolledor e dinámico a prol da lectura e da cultura en xeral; achegar a infancia ao pracer de ler e propoñer estratexias útiles para continuar, tanto no fogar como nas aulas, esa importante tarefa de estimulación da creatividade e da imaxinación dos cativos.

LIBROS PARA SOÑAR: Avda. Fisterra, 64 | Tlf. 881 922 447

lpscoruna@kalandraka.com | http://librosparasonhar.wordpress.com/

Páxina en Facebook: Libros para Soñar-A Coruña