O narrador Boniface Ofogo (Camerún, 1966) vai impartir unha charla titulada “A importancia da oralidade” este mércores 1 de febreiro, a partir das 17:30 horas, na libraría infantil e xuvenil LIBROS PARA SOÑAR de Vigo (r/ Triunfo, 1). Nesta sesión, que está dirixida a público adulto, especialmente docentes, pais e nais, Boni Ofogo vaise basear na súa experiencia persoal para xustificar a necesidade de achegar os nenos e nenas, dende idade temperá, á tradición oral, como piar da súa formación humana e cultural.

Medrou nunha aldea do interior de Camerún, “onde a transmisión oral era a única maneira de acceder a calquera tipo de información ou coñecemento”. Máis tarde, Boni Ofogo accedería á literatura escrita a través dos seus estudos académicos como doutorado en Filoloxía Hispánica, e da súa traxectoria profesional como mediador sociocultural, se ben a “oralidade primaria” na que se educou segue sendo o “principal punto de referencia” no seu traballo de narrador, faceta á que se adica en exclusiva dende 2005.

“Dende neno fun iniciado polo meu pai na arte da palabra oral”, explica Boni Ofogo, que acudía ás “xuntanzas dos avós”, nas que aprendeu “a escoitar e a manexar a arte da oratoria”. Foi neses encontros onde se lle inculcou a importancia de “venerar as persoas maiores, porque son depositarias dunha sabedoría milenaria”.

Boni Ofogo é autor de dous libros: “Una vida de cuento”, editado polo Ministerio de Educación, e o álbum infantil “O león Kandinga”, publicado por KALANDRAKA, que se basea nun conto tradicional camerunés. Esta última obra, ilustrada por Elisa Arguilé, foi galardoada en 2009 co Premio da Fundación CJ de Cultura (Corea), obtivo unha mención de honra no Premio Città di Bella (Italia) en 2011, e atópase entre as lecturas recomendadas pola Fundação Nacional do Livro Infantil e Juvenil (Brasil).

A charla teórico-práctica de Boni Ofogo complementarase coa narración de proverbios e contos de tradición oral para público adulto, incluido “O león Kandinga”.

 

“ARTUR” foi o protagonista da recente sesión de contacontos en LIBROS PARA SOÑAR de Vigo. A adaptadora de contos tradicionais Olalla González e mais o ilustrador do álbum, Marc Taeger, foron os mestres de cerimonias da presentación deste libro de cartón con recantos redondeados, dirixido aos primeiros lectores. Non foi nada doado retratar este poliño porque, como ben explicou Marc, alguén estivo algunha vez dentro dun ovo?

Pero o enérxico “pío, pío” de Artur non só se sentiu no Casco Vello vigués. Artur viaxou durante o fin de semana e, co autor do relato, Xosé Manuel González ‘Oli’, chegou ata o colexio público Los Jarales de Las Rozas, e a libraría infantil El Dragón Lector, en Madrid.

———————

“ARTURO” fue el protagonista de la reciente sesión de cuentacuentos en LIBROS PARA SOÑAR de Vigo. La adaptadora de cuentos tradicionales Olalla González y el ilustrador del álbum, Marc Taeger, fueron los maestros de ceremonias de la presentación de este libro de cartón con esquinas redondeados, dirigido a primeros lectores. No fue nada fácil retratar a este pollito porque, como bien explicó Marc, alguien estuvo alguna vez dentro de un huevo?

Pero el enérgico “pío, pío” de Arturo no solo se sintió en el Casco Vello vigués. Arturo viajó durante el fin de semana y, con el autor del relato, Xosé Manuel González ‘Oli’, llegó hasta el colexio público Los Jarales de Las Rozas, y la librería infantil El Dragón Lector, en Madrid.

Coa libraría ateigada de público infantil e adulto, Olalla e Marc plantexaron unha interesante cuestión: Que animais nacen dos ovos? Patos, crocodilos, tartarugas, ornitorrincos… e poliños coma Artur. Como estaba Artur dentro da casca? Encollido, estirado? Tiña as ás abertas ou pechadas, de que cor é o pico, e as plumas? Durante o proceso cretivo do libro, Marc debuxou moitos poliños antes de dar coa imaxe definitiva do entrañable Artur. Logo de deixalo durmindo no seu “edredón de plumas”, os nenos e nenas animáronse a debuxar outros animais dentro dos seus ovos. Durante estes días, LIBROS PARA SOÑAR é un niño de moitas especies de aves, insectos, reptís e outros ovíparos.

————————————–

Con la librería llena de público infantil y adulto, Olalla y Marc plantearon una interesante cuestión: ¿Qué animales nacen de los huevos? Patos, cocodrilos, tortugas, ornitorrincos… y pollitos como Arturo. ¿Cómo estaba Arturo dentro del cascarón? ¿Encogido, estirado? ¿Tenía las alas abiertas o cerradas, de qué color son el pico y las plumas? Durante el proceso de creación del libro, Marc dibujó muchos pollitos antes de dar con la imagen definitiva del entrañable Arturo. Después de dejarle durmiendo en su “edredón de plumas”, los niños y niñas se animaron a dibujar otros animales dentro de sus huevos. Durante estos días, LIBROS PARA SOÑAR es un nido muchas especies de aves, insectos, reptiles y otros ovíparos.

Estamos nos últimos días para visitar a exposición das ilustracións de “Artur”, realizadas por Marc Taeger, na libraría LIBROS PARA SOÑAR de Vigo (r/ Triunfo, 1).

——————–

Estamos en los últimos días para visitar la exposición de las ilustracións de “Artur”, realizadas por Marc Taeger, en la librería LIBROS PARA SOÑAR de Vigo (c/ Triunfo, 1).

Con la profesora Ana Andrade y sus alumnos y alumnas del colegio público Los Jarales, Oli y Arturo pasaron una agradable estancia en Madrid. Les acompañaban otros personajes de cuento: las intrépidas Once Damas Atrevidas y el más revoltoso de los bucaneros, el Pirata Pata de Lata.

—————————————

Coa profesora Ana María López Andrade e cos seus alumnos e alumnas do colexio público Los Jarales, Oli e Arturo pasaron unha agradable estancia en Madrid. Acompañáronos outros personaxes de conto: as aventureiras Once Damas Atrevidas e o máis revoltoso dos bucaneiros, o Pirata Pata de Lata.

No menos acogedora fue la sesión de cuentos en El Dragón Lector con la librera Pilar Pérez, a la que se sumaron muchos pequeños y mayores. “Arturo”, las “Once damas atrevidas” y “El Pirata Pata de Lata” quedaron encantados del recibimiento y del afecto. Hicieron muy buenas migas con Leo, la mascota de la librería. Y prometen volver en otra ocasión para seguir deleitando con sus historias al público madrileño.

———————

Non menos acolledora foi a sesión de contos en El Dragón Lector coa libreira Pilar Pérez, á que se sumaron moitos cativos e maiores. “Artur”, as “Once damas atrevidas” e “O Pirata Pata de Lata” quedaron encantados do recibimento e do afecto colleitado. Fixeron moi boas migas con Leo, a mascota da libraría. E prometen volver noutra ocasión para seguir deleitando coas súas historias o público madrileño.

Na Coruña, o artista plástico Pablo Otero presenta o seu último traballo: as ilustracións do libro “Contos por teléfono” (KALANDRAKA), do gran mestre e pedagogo italiano Gianni Rodari. As ilustracións de Pablo Otero están expostas na libraría e pódense visitar ata finais deste mes en horario comercial.

Pablo Otero guiaranos a través das palabras e das imaxes desta maxistral obra literaria coa que medraron varias xeracións de nenos e nenas. A imaxinación rebordante, a chiscadela surrealista, e a liberdade creativa dos relatos, trasládase tamén ás ilustracións, cheas de colorido e expresividade, realizadas cun perfeccionismo e cun detalle exquisito, para asombrar e sorprender os lectores.

En Vigo retómase a programación de actividades, cun mes de outubro adicado aos libros de arte. Volven as sesións de contacontos dos venres para público infantil e familiar, volven as sesións de contos para bebés dos mércores quincenalmente, volven as exposicións de ilustracións, volven os cursos de formación…

Neste agardado reencontro, Libros para Soñar-Vigo vístese coas ilustracións de Marc Taeger para o álbum infantil “Artur”, un texto de Xosé Manuel González ‘Oli’ editado por FAKTORÍA K. No repertorio de contos, achegarémonos á figura dun dos pintores máis universais, Diego Velázquez, e a un dos seus cadros máis senlleiros, As Meninas. O libro “Un cadro de Velázquez”, de Claire D’Harcourt (FAKTORÍA K) ten todas as claves desta obra e do seu autor.

E xa está aberto o prazo para incribirse no curso de contacontos que vai impartir no mes de outubro a actriz e narradora Bea Campos. As sesións celebraranse do 14 ao 19 de novembro de 17 a 20 horas, e o prezo é de 45 euros.

Una paleta, pinceles y pinturas, el lienzo y el caballete… un pájaro llega revoloteando hasta Libros para Soñar. Y se abre un libro. En sus páginas asoman los delicados versos de Jacques Prévert y las ilustraciones multicolor de Mordicai Gerstein.

————————

Unha paleta, pinceis e pinturas, o lenzo e o cabalete… un paxaro chega revoando ata Libros para Soñar. E ábrese un libro. Nas súas páxinas asoman os delicados versos de Jacques Prévert e as ilustracións multicolor de Mordicai Gerstein.

Pintar también el verde follaje

y el frescor del viento,

el polvillo del sol

y el zumbido de los insectos en el calor del verano, y después esperar a que el pájaro se decida a cantar.

“Para hacer el retrato de un pájaro”: J. Prévert / M. Gerstein (FAKTORÍA K)

…………………………..

Pintar tamén a verde follaxe

e o frescor do vento,

a poeira do sol

e o zoar dos insectos na calor do verán,

e despois esperar a que o paxaro se decida a cantar.

“Para facer o retrato dun paxaro”: J. Prévert / M. Gerstein (FAKTORÍA K)

………………………………………

Pintar também a verde folhagem

e a frescura do vento,

a poeira do sol

e o zumbido dos insectos no calor do Verão,

e depois esperar que o pássaro se decida a cantar.

“Para fazer o retrato de um pássaro”: J. Prévert / M. Gerstein (KALANDRAKA) 

Sandra Senra e Carmela Sieiro, as libreiras de Libros para Soñar, son as artífices dun orixinal, simpático e adorable escaparate adicado ao libro “O Señor Don Nicanor”, de Ana Fernández-Abascal e Flavio Morais, editado por FAKTORÍA K. Un minitelevisor ‘customizado’ e oitenteiro, a silueta expresiva e pícara do protagonista deste conto rimado, e os detalles da estética ‘pop’ que abundan neste álbum, destacan nesta montaxe. O Señor Don Nicanor asómase ás rúas de Vigo para lembrarnos…

“…Que película tan mala! Será mellor apagala.

E como non dá parado, colle un libro de contado”.

PD: artigos sobre Libros para Soñar nos blogs Mi Libroketa e A bit of everything. Grazas.

——————————

Sandra Senra y Carmela Sieiro, las libreras de Libros para Soñar, son las artífices de un original, simpático y adorable escaparate dedicado al libro “El Señor don Nicanor”, de Ana Fernández-Abascal y Flavio Morais, editado por FAKTORÍA K. Un minitelevisor ‘customizado’ y ochentero, la silueta expresiva y pícara del protagonista de este cuento rimado, y los detalles de la estética ‘pop’ que abundan en este álbum, destacan en este montaje. El Señor Don Nicanor se asoma a las calles de Vigo para recordarnos…

“…¡Qué película tan mala! Será mejor apagarla.

Y para estar más contento, se puso a leer un cuento”.

PD: artículos sobre Libros para Soñar en los blogs Mi Libroketa y A bit of everything. Gracias.

Unha sesión de contacontos organizada polo equipo de animación á lectura de LIBROS PARA SOÑAR foi o broche final na clausura da exposición “Soños Ilustrados: Kalandraka, 12 anos de álbum galego” que se puido visitar no Espazo EMAO da Escola Municipal de Artes e Oficios de Vigo. A adaptadora de contos Olalla González acompañou os pasos de nenos e maiores cruzando a ponte cos “Chibos chibóns” pequeno, mediano e grande. Tamén compartiron as aventuras do audaz “Garavanciño” a través do bosque. E o artista plástico Ramón Trigo, que participaba na mostra coas ilustracións de “As luces que se acenden e se apagan” e “O burato do inferno”, debuxou o retrato do seu amigo, “O pirata Pata de Lata”, recén chegado a porto tras percorrer os sete mares na procura de emocións e fortuna.

——————————

Una sesión especial de cuentacuentos organizada por el equipo de animación a la lectura de LIBROS PARA SOÑAR fue el broche final en la clausura de la exposición “Sueños Ilustrados: Kalandraka, 12 años de álbum gallego” que se pudo visitar en el Espacio EMAO de la Escola Municipal de Artes e Oficios de Vigo. La adaptadora de cuentos Olalla González acompañó los pasos de niños y mayores cruzando el puente con los “Chivos chivones” pequeño, mediano y grande. También compartieron las aventuras del audaz “Garbancito” a través del bosque. Y el artista plástico Ramón Trigo, que participaba en la muestra con las ilustraciones de “Las bombillas que se encienden y se apagan” y “La cueva del infierno”, dibujó el retrato de su amigo, “El pirata Pata de Lata”, recién llegado a puerto tras recorrer los siete mares en busca de emociones y fortuna.

Federico Fernández, un dos comisarios da mostra e ilustrador de “Chibos chibóns” e “Onde perdeu Lúa a risa?”, foi o anfitrión da derradeira visita guiada a esta exposición, pola que pasaron preto dun milleiro de persoas, dende a súa apertura ao público, o pasado mes de abril. Tamén asistiron á clausura da mostra o ilustrador Juan Rivas, artífice das imaxes de “As fabas máxicas” e “Ire”; e o instrumentista Xico Peña, do grupo Na Virada, intérprete das composicións musicais do libro-cd “Solaina”, ilustradas coas pezas cerámicas elaboradas polo artesán Francisco Pérez Porto.

—————————————–

Federico Fernández, uno de los comisarios de la muestra e ilustrador de “Chivos chivones y “¿Dónde perdió Luna la risa?”, fue el anfitrión de la última visita guiada a esta exposición, por la que pasaron cerca de un millar de personas, desde su apertura al público, el pasado mes de abril. También asistieron a la clausura de la muestra el ilustrador Juan Rivas, artífice de las imágenes de “As fabas máxicas” e “Ire”; y el instrumentista Xico Peña, del grupo Na Virada, intérprete de las composiciones musicales del libro-cd “Solaina”, ilustradas con las piezas cerámicas elaboradas por el artesano Francisco Pérez Porto.

Non podería haber mellor broche de ouro na derradeira sesión de contos para bebés desta tempada. Os músicos Xabier Díaz e Guillerme Fernández visitaron LIBROS PARA SOÑAR para interpretar algunhas pezas do disco “Arrolos de salitre”. Músicas e voces que encandilaron a alma de cativos e maiores, que acariñaron os sentidos e deixaron un pouso de dozura. Palabras de mel rescatadas da tradición oral, envoltas nos acordes máxicos da guitarra de Guillerme e no son acolledor do acordeón de Xabier. As sesións de contos (e cantigas) para bebés regresarán en outubro a LIBROS PARA SOÑAR. Grazas a todos e todas pola compaña entusiasta, polas lecturas e os soños compartidos.

—————————-

No podría haber mejor broche de oro en la última sesión de cuentos para bebés de esta temporada. Los músicos Xabier Díaz y Guillerme Fernández visitaron LIBROS PARA SOÑAR para interpretar algunas piezas del disco “Arrolos de salitre”. Músicas y voces que encandilaron el alma de pequeños y mayores, que acariciaron los sentidos y dejaron un poso de dulzura. Palabras de miel rescatadas de la tradición oral, envueltas en los acordes mágicos de la guitarra de Guillerme y en el sonido acogedor del acordeón de Xabier. Las sesiones de cuentos (y canciones) para bebés regresarán en octubre a LIBROS PARA SOÑAR. Gracias a todos y todas por la compañía entusiasta, por las lecturas y los sueños compartidos.

“…E durme, meu neno,

durme, meu amor,

que saíu a lúa,

tamén dorme o sol…”

(Arrolos de salitre: “A bicos”, interpretada por Fani Otero)

“…O meu neno está no berce,

o meu neno de cristal.

As súas bágoas son de prata,

as meixelas de coral…”

(Arrolos de salitre: “O meu neno de cristal”, interpretada por Alba Gutiérrez)

“…Quérote, pequena,

quérote, meu sol,

durme de contado,

durme, meu amor…”

(Arrolos de salitre: “Corpiño de picote”, interpretada por Uxía Cribeiro)

“…Non quere durmir

e que lle farei?

Á miña pequena

eu a arrolarei…”

(Arrolos de salitre: “Bercer de Carme”, interpretada por Diego Calviño)

Os músicos Xabier Díaz e Guillerme Fernández van ser os invitados especiais da sesión de bebés de mañá, mércores 1 de xuño, a partir das 17:30 horas en LIBROS PARA SOÑAR. Presentarán o seu disco “Arrolos de salitre”, unha compilación de once cantigas de berce tradicionais e novas composicións creadas para meniños e meniñas, do que van interpretar unha escolma de temas ao son da guitarra e do acordeón.

Para este traballo, Xabier Díaz e Guillerme Fernández -integrantes do prestixioso grupo Berrogüetto- contaron coas voces de varios artistas galegos: Davide Salvado, Jara Ortiz, Xoán Curiel, Alba Gutiérrez, Fani Otero, María Xosé Silvar, Carlos Álvarez, Diego Calviño e Uxía Cribeiro, do grupo Pesdelán (“Na punta do pé”, editado por KALANDRAKA).

“Arrolos de salitre” complétase con textos do propio Xabier Díaz, Carlos Rivero e Lupe Gómez, coa achega de músicos como Quim Farinha, Pedro Lamas e Suso Iglesias, máis os deseños de Nébeda Piñeiro, quen tamén forma parte do grupo de animación á lectura de KALANDRAKA.

Trátase da quinta publicación do selo discográfico “Músicas de salitre”, do que Xabier Díaz e Guillerme Fernández son promotores. O coruñés Xabier Díaz é cantante, compositor e investigador do folclore galego. Foi mestre de música e baile tradicional galego e dende 1995 participou na publicación de varios discos, uns como integrante do grupo Rumbadeira, do que foi fundador, e outros en colaboración con Guillerme Fernández. Compositor, arranxista e intérprete de Berrogüetto dende os inicios da banda, Guillerme Fernández destaca non só polas súas colaboracións con grupos e artistas galegos, senón tamén polas súas inquedanzas culturais e sociais. Dende 2006, ambos conducen conxuntamente o programa musical “Tres peixes voando”, na Radio Galega.

As sesións de bebés que organiza LIBROS PARA SOÑAR están especialmente deseñadas para nenos e nenas de cero a tres anos de idade. O obxectivo desta actividade é achegalos ao libro e á lectura dende unha idade temperá, recorrendo a elementos da tradición oral, como cantigas, arrolos ou retrousos; e valéndose de recursos visuais chamativos e cercanos para eles, que potencien a súa percepción polos sentidos.

Galicia celebra o Día das Letras Galegas. Letras sen fronteiras que tamén se festexan en Bos Aires, en Oxford ou en Nova York. A figura do poeta Lois Pereiro é a protagonista dunha xornada de exaltación da fala e da literatura que en KALANDRAKA se enxalza o ano enteiro: editando libros, contribuindo á normalización lingüística coa recuperación e tradución de obras senlleiras, asistindo ás principais feiras internacionais do sector, impulsando actividades de animación á lectura…

Nos últimos días KALANDRAKA apoiou iniciativas lectoras en Ourense e Marín, ás que se suma a presentación de “O meu gato é un poeta”, poemas de Fran Alonso con música de Xurxo Souto (Xerais), en LIBROS PARA SOÑAR.

O escritor e profesor Toño Núñez mantivo un encontro con nenos e nenas, organizado pola libraría Zampacontos, de Ourense. Ademais de presentarlles ao excéntrico e entrañable “Mago Goma” ilustrado por Adrià Fruitós, o autor lucense propúxolles divertidos xogos de palabras: palabras encadeadas, palíndromos e palabras preñadas, que teñen dentro delas outras palabras. No mesmo acto tamén se entregaron os premios do concurso de contos ilustrados organizado pola libraría, ao que optaban moi bos traballos infantís, creativos e ben elaborados a nivel artístico. Zampacontos, con Ángel Perotti á fronte, enfila xa os preparativos do seu quinto aniversario, tecendo unha tupida rede de lectores.

Versos e música, risos e miaños, na presentación de “O meu gato é un poeta”, o poemario infantil de Fran Alonso, en LIBROS PARA SOÑAR. Animadísima sesión, ao son do acordeón de Xurxo Souto, mentres o autor creaba un universo de personaxes, un festín de rimas que tamén invitan a xogar coas letras amigas.

No marco da Festa da Lingua organizada en Marín pola Asociación Cultural Almuinha, os libros pasaron de man en man. Lecturas compartidas, que desprenden curiosidade e xenerosidade. Libros libres e viaxeiros que se transportan nas ondas do azar, de fogar en fogar. Na I Mostra das Letras e das Artes que tamén se celebrou estes días na Alameda de Marín, organizada polo Concello, o noso compañeiro Alberto Barreiro impartiu un obradoiro de oralidade, baseado nas fontes da tradición e da memoria colectiva.