A GALA DO LIBRO GALEGO 2020 PREMIA LIBROS DE POESÍA, TEATRO E A TELEVISIÓN DIXITAL DE KALANDRAKA 

«Feliz Idade», de Olga Novo, na categoría de poesía, «Citizen», do Grupo Chévere, no apartado de teatro, e a canle de televisión dixital KALANDRAKA TV como proxecto literario na rede, veñen de ser distinguidos na quinta edición dos Premios Gala do Libro Galego 2020 que organizan a Asociación de Escritoras e Escritores en Lingua Galega, a Asociación Galega de Editoras e a Federación de Librarías de Galicia.

A alarma sanitaria motivada pola pandemia de COVID-19 motivou que a celebración da Gala, programada inicialmente para este serán no Teatro Principal de Santiago, se adiase ata outono e que o xurado se reunise telematicamente para valorar as candidaturas.

O poemario de Olga Novo, en palabras da autora, foi “escrito ao mesmo tempo que foi vivido”. Nos seus versos mestúranse experiencias vitais tan importantes como a perda do pai e o nacemento da filla, tendendo entre ambos unha ponte xeracional e vital. Trátase dunha obra que, ademais dos sentimentos e das emocións, tamén está ancorada na terra, no mundo rural en nun valioso patrimonio colectivo.

Tras «Río Bravo» e «Eroski Paraíso», Chévere recibe por terceiro ano consecutivo este galardón, convertendo a Biblioteca de Teatro nun referente dos textos dramáticos. A compañía galega, Premio Nacional de Teatro 2014, presenta nesta obra multidisciplinar -documental, performance, comedia, audiovisual- unha proposta crítica baseada no «Citizen Kane» de Orson Welles para artellar a historia dun empresario galego do téxtil que constrúe un imperio económico.

KALANDRAKA TV suma uns 80 vídeos de Contos Contados en distintas linguas dende que se decretou o confinamento da poboación como medida para acompañar as familias e darlle apoio aos docentes e aos mediadores durante o tempo no que cómpre quedarmos na casa. Os contidos desta sección especial engádense a unha bagaxe de ano e medio de traballo con máis dun cento de reportaxes, entrevistas, vídeos musicais e outros contidos creados para poñer en valor a literatura infantil e xuvenil, dar a coñecer a obra das autoras e autores, ademais de informar sobre novidades editoriais e actualidade vencellada ao libro e á lectura.


EL PLAZO PARA ENVIAR OBRAS AL XIII PREMIO COMPOSTELA SE AMPLÍA HASTA EL 15 DE JUNIO

El Departamento de Educación del Ayuntamiento de Santiago de Compostela y Kalandraka Editora han decidido ampliar hasta el próximo 15 de junio de 2020 el plazo para enviar obras al XIII Premio Internacional Compostela de Álbum Ilustrado. El fallo del jurado se dará a conocer durante la segunda quincena de julio y la persona o personas premiadas tendrán hasta el 30 de septiembre para entregar la obra terminada.

Esta modificación en las bases responde a la situación de alarma sanitaria motivada por la pandemia de COVID-19, facilitando así que los participantes puedan seguir desarrollando y ultimando sus proyectos, en lo que respecta a la presentación de los materiales necesarios para la valoración del jurado.

 

O PRAZO PARA ENVIAR OBRAS AO XIII PREMIO COMPOSTELA AMPLÍASE ATA O 15 DE XUÑO

O Departamento de Educación do Concello de Santiago de Compostela e Kalandraka Editora decidiron ampliar ata o vindeiro 15 de xuño de 2020 o prazo para enviar obras ao XIII Premio Internacional Compostela de Álbum Ilustrado. O fallo do xurado darase a coñecer durante a segunda quincena de xullo e a persoa ou persoas premiadas terán ata o 30 de setembro para entregar a obra rematada.

Esta modificación nas bases responde á situación de alarma sanitaria motivada pola pandemia de COVID-19, facilitando así que os participantes poidan seguir elaborando e ultimando os seus proxectos, no que respecta á presentación dos materiais necesarios para a valoración do xurado.

 

EL TERMINI PER ENVIAR OBRES AL XIII PREMICOMPOSTELA S’AMPLIA FINS AL 15 DE JUNY

El Departament d’Educació de L’Ajuntament de Santiago de Compostel·la i Kalandraka Editora han decidit ampliar fins al pròxim 15 de juny del 2020 el termini per poder enviar obres al XIII Premi Internacional Compostela per a àlbums il·lustrats. La decisió del jurat es donarà a conèixer durant la segona quinzena de juliol i la persona premiada tindrà fins el 30 de setembre per poder entregar l’obra finalitzada.

Aquesta modificació en les bases respon a la situació d’alarma sanitària motivada per la pandèmia de la COVID-19, per tal de facilitar que els participants puguin seguir desenvolupant i enllestint els seus projectes, pel que fa  a la presentació dels materials necessaris per a la valoració del jurat. 

 

EPEAREN LUZAPENA

Santiago de Compostela Udaleko Hezkuntza Sailak antolatzaile gisa, Kalandraka argitaletxearekin lankidetzan, Album Irudidunentzako XIII. Nazioarteko Compostela Saria Lehiaketan parte hartu nahi duten pertsonei jakinarazten die:

COVID-19 ren munduko pandemiaren aurrean, hasiera batean 2020ko apirilaren 30ean amaitzen zen obra-bidalketaren epea luzatuko da. Behin betiko data apirilaren 30ean bertan jakinaraziko da, Santiago de Compostelako Udalaren eta Kalandraka argitaletxearen web-orrialdeetan, bai eta dagozkien sare sozialeetako beste kanaletan.

Antolatzaileek egileak eta ilustratzaileak animatzen dituzte beren sormen-proposamenak egiten jarraitzera, parte hartzeko oinarrietan ezarritako jarraibideei jarraituz.

 

O PRAZO PARA O ENVIO DAS OBRAS PARA O XIII PRÉMIO COMPOSTELA ESTENDE-SE ATÉ 15 DE JUNHO

O Departamento de Educação do Município de Santiago de Compostela e a Kalandraka Editora decidiram estender até ao próximo dia 15 de junho o prazo para o envio das obras concorrentes ao XIII Prémio Internacional Compostela para Álbuns Ilustrados. A decisão do júri será divulgada durante a segunda quinzena de julho e o premiado ou os premiados terão até ao dia 30 de setembro para entregar a obra finalizada.

Esta modificação do regulamento deve-se ao estado de emergência sanitária desencadeado pela pandemia de COVID-19, no sentido de facilitar aos participantes o desenvolvimento e a conclusão dos seus projetos, nos que diz respeito à apresentação dos materiais necessários para a avaliação do júri.

 

ABBIAMO AGGIORNATO AL PROSSIMO 15 GIUGNO LA SCADENZA PER LA CONSEGNA DEI PROGETTI PER IL XIII PREMIO COMPOSTELA 

Il Dipartimento di Educazione del Comune di Santiago di Compostela e Kalandraka Editora hanno deciso di estendere al 15 giugno 2020 il termine ultimo per la consegna dei lavori al XIII Premio Internazionale COMPOSTELA per Albi Illustrati. Si aggiorna pure alla seconda quindicina di luglio il periodo nel quale la giuria comunicherà i nomi dei vincitori, i quali, di conseguenza, si impegneranno ad inviare l’opera definitiva entro il 30 settembre.

Questa modifica nel regolamento intende andare incontro ai bisogni tecnici e logistici dei partecipanti per armonizzarsi alle fasi successive di riapertura delle attività economiche dopo la chiusura a causa Covid 19.

 

THE DEADLINE FOR SENDING WORKS TO THE XIII COMPOSTELA PRIZE IS EXTENDED UNTIL 15TH JUNE 

The Department of Education of the City Council of Santiago de Compostela and Kalandraka Editora have decided to extend until 15th June 2020 the deadline for submitting works to the Thirteenth International Compostela Prize for Picture Books. The jury’s decision will be announced during the second half of July and the person or persons awarded will deliver the finished work before 30th September.

This modification in the rules responds to the health alarm situation caused by the COVID-19 pandemic, in order to facilitate the participants to continue developing and finalizing their projects, with regard to the presentation of the necessary materials for the evaluation of the jury.

 

 


Descarga la bibliografía en PDF: Lecturas para la paz

. . . .

Descarga a bibliografía en PDF: Lecturas para a paz


 

Os artistas Vicente Blanco e Salvador Cidrás, formados na Facultade de Belas Artes de Pontevedra e que traballan como profesores de Expresión Plástica na Facultade de Formación de Profesorado de Lugo, presentan este domingo en Culturgal, ás 12:30 horas, o seu primeiro libro conxunto, «Educar a través da arte», publicado na colección Biblioteca de Pedagoxía de KALANDRAKA.

Na súa elaboración contaron coa colaboración da mestra de Educación Infantil Rocío Modia, que tamén os acompañará na presentación, canda o catedrático de Historia da Educación na Universidade de Santiago e director da colección, Antón Costa. Dirixido a profesorado de Educación Infantil, Primaria e Secundaria, tanto en activo como futuros docentes, «Educar a través da arte»  aborda a arte como acción creadora.

A partir da creación artística, os autores desenvolven un modelo de traballo para iniciar verdadeiros cambios educativos baseados no desenvolvemento de procesos persoais que foxen das respostas estereotipadas e convencionais. Este libro anima a abandonar métodos “directivos” en favor de alternativas que poñan en valor a diversidade e a diferenza.

Fronte ás actividades pechadas e estáticas que desdeñan a experiencia cotiá, o diálogo e o sentido crítico, as propostas de Vicente Blanco e Salvador Cidrás -promotores do grupo de innovación educativa Escola Imaxinada– favorecen a creación persoal dos estudantes e potencian a súa capacidade para transformar o mundo a través de infinidade de formas de expresión, técnicas e materiais.

OUTRAS ACTIVIDADES

As actividades de KALANDRAKA en Culturgal completaranse o sábado ás 16:45 horas cun encontro arredor da colección Makakiños de contos adaptados ao sistema de pictogramas, coa participación de Mónica Santos e Marcial Domínguez, da AsociaciónBATA, e con Alicia Súarez e Marc Taeger, ilustradores dos libros «Nicolás cociña sen lume» e «A verdadeira historia de Carapuchiña Vermella», respectivamente.

BATA vén de celebrar o seu 30º aniversario traballando no tratamento especializado do autismo e no apoio ás familias; a esta efeméride súmase que se cumpren 15 anos da publicación dos primeiros títulos da colección Makakiños, sendo daquela unha iniciativa pioneira dirixida ás persoas con necesidades de apoio educativo.

Ademais, a piques de que comecen en Suecia os actos conmemorativos do 75º aniversario da publicación de «Pippi Mediaslongas», de Astrid Lindgren, o seu tradutor, David A. Álvarez, participará nun faladoiro -o sábado ás 17:30 horas- sobre este clásico da literatura infantil. Con «Pippi Mediaslongas embarca» e «Pippi Mediaslongas nos Mares do Sur» completouse a triloxía en galego, que conta coas ilustracións orixinais e restauradas de Ingrid Vang Nyman.

Por outra banda, o stand de KALANDRAKA (nº 50-51-52) recibirá o sábado a visita de autores e ilustradores que asinarán exemplares das súas obras: ás 12:30 horas, o artista Pablo Otero, autor de «Parece unha formiga»; ás 18:00 horas o Grupo Chévere, que asinará exemplares de «Eroski Paraíso» e unha hora despois presentará a versión cinematográfica desta montaxe teatral.

Os autores invitados o domingo serán Chema Heras e Kiko da Silva ás 12:30 horas, que asinarán exemplares de «Cando Martiño tivo ganas de mexar na noite de Reis»; ás 17:30 horas Xosé Manuel González ‘Oli’, autor de «Os ratos da casa» e «Ratos de viaxe»; e Antonio García Teijeiro, Premio Nacional de Literatura Infantil e Xuvenil, que dedicará exemplares do poemario «Versos e viceversos» a partir das 18:30 horas.

 

 


A ilustradora húngara Mariann Máray vén de recibir o XII Premio Internacional Compostela de Álbum Ilustrado pola obra «O can de Milu», editada en sete linguas.

Ao acto celebrado no Pazo de Raxoi, e amenizado polo cuarteto de trompas da Escola Municipal de Música, asistiron representantes da Corporación do Concello de Santiago, encabezados polo alcalde, Xosé Sánchez Bugallo. Tamén se sumaron docentes, mediadores e especialistas en literatura infantil.

Ademais de agradecer o premio, Mariann Máray explicou na súa intervención que a creación de «O can de Milu» fora una “aventura” que, curiosamente, en húngaro, equivale á palabra “kaland”.

Trala visita que realizara na primera xornada da súa estancia ao Centro Integrado de Formación Profesional Compostela,  Mariann Máray tamén mantivo un encontro co alumnado de Bacharelato Artístico do Instituto de Ensino Secundario do Sar para expoñer o proceso creativo do seu traballo.

Durante estes días, varias librarías de Compostela, como “Os mundos de Carlota”, locen escaparates especiais dedicados a «O can de Milu». Este será o libro central da vixésima Campaña Municipal de Animación á Lectura do Concello de Santiago, na primavera de 2020.

. . . . . . . . .

La ilustradora húngara Mariann Máray ha recibido el XII Premio Internacional Compostela de Álbum Ilustrado por la obra «El perro de Milu», editada en siete lenguas.

Al acto celebrado en el Pazo de Raxoi, y amenizado por el cuarteto de trompas de la Escuela Municipal de Música, han asistido representantes de la Corporación del Ayuntamiento de Santiago, encabezados por el alcalde, Xosé Sánchez Bugallo. También se han sumado docentes, mediadores y especialistas en literatura infantil.

Además de agradecer esta distinción, Mariann Máray ha explicado en su intervención que la creación de «El perro de Milu» había sido una “aventura” que, curiosamente, en húngaro, equivale a la palabra “kaland”.

Tras la visita que había realizado en la primera jornada de su estancia al CIFP Compostela,  Mariann Máray también ha mantenido un encuentro con alumnado de Bachillerato Artístico del IES do Sar para exponer el proceso creativo de su trabajo.

Durante estos días, varias librerías de Compostela, como “Os mundos de Carlota”, lucen escaparates especiales dedicados a «El perro de Milu». Este será el libro central de la XX Campaña Municipal de Animación a la Lectura del Ayuntamiento de Santiago, en la primavera de 2020.

 


O amor polos animais, a amizade incondicional ante as adversidades e, sobre todo, a liberdade son as cualidades sobresaíntes na obra distinguida co XII Premio Internacional Compostela de Álbum Ilustrado. «O can de Milu», de Mariann Máray, é a historia dunha nena e da súa peculiar mascota, que se converte no seu gran compañeiro de xogos e de diversión. O intenso e abundante colorido das ilustracións transpórtanos dende o bosque á cidade, pasando polo fogar, coa natureza como destino e espazo de reflexión e de liberdade. Son imaxes cheas de detalles, cercanas á estética naíf e ao mundo da infancia, que xogan de xeito audaz cos contrastes cromáticos.

Mariann Máray (Hungría, 1978) é graduada en Artes Aplicadas pola Universidade de Moholy-Nagy e especialista en comunicación visual. Estudou lingua e literatura italiana na Universidade de Budapest e traballa como ilustradora de libros para público infantil. Dende 2009 publicou numerosas obras, ademais de participar en exposicións. En 2017 foi seleccionada para a Bienal de Ilustración de Bratislava e a exposición de ilustración da Feira Internacional do Libro Infantil e Xuvenil de Boloña. Nesta última foi finalista do concurso Silent Book 2019.

Na primeira xornada da súa estadía en Santiago, a autora mantivo un encontro con alumnado de Educación e de Artes Gráficas do CIFP Compostela e esta mañá a partir das 10:50h visitará os estudantes de Bacharelato Artístico do IES do Sar para amosarlles o proceso creativo de «O can de Milu». O acto de entrega do XII Premio Internacional Compostela de Álbum Ilustrado celebrarase a partir das 19:30 horas no Pazo de Raxoi.

Mariann Máray na libraría Os Mundos de Carlota


A Asociación BATA vén de celebrar en Vilagarcía os seus 30 anos de proveitosa traxectoria cunha gala presentada polas propias rapazas e rapaces que reciben atención nesta entidade especializada no tratamento do autismo e no apoio ás familias. Un aniversario no que estiveron arroupados por invitados de prestixio como o científico Ángel Carracedo, Catedrático de Medicina Legal e experto internacional en xenética; e especialistas como Luis Simarro, doutor en Psicoloxía e un dos responsables da Asociación Aleph-TEA.

Especialmente emocionantes foron as intervencións dos propios usuario de BATA, contando as súas experiencias: dende Mario Seoane, que actualmente cursa 2º de Pedagoxía, ata Belén García, que chegou á Asociación con tan só 7 anos e agora é unha muller adulta que desenvolve unha vida plena a nivel laboral e persoal gozando das súas afeccións na compaña das súas amizades, como explicou a súa nai, Teresa Sierra.

“30 anos imaxinando futuros”, como lembrou o presidente de BATA, Mario Trigo, parafraseando o lema deste aniversario coa confianza de acadar novos retos no futuro. A esa ilusión sumáronse tamén, a través da proxección de varios vídeos, dende Autismo España e familiares de nenas e nenos con autismo.

O encontro finalizou coa entrega dos Premios Patacón aos voluntarios e voluntarias de BATA e, con carácter conmemorativo, a KALANDRAKA, ao cumprirse 15 anos da publicación dos primeiros títulos da colección Makakiños, sendo daquela una iniciativa pioneira.  15 anos de “sinerxia construtiva” que ata o momento deron como froito nove libros de fácil lectura co sistema de pictogramas: cinco adaptacións de contos tradicionais, unha obra de autor e dous títulos na serie ‘Día a día’, aos que se acaban de incorporar os primeiros Makakiños en galego.

A crónica de KALANDRAKA TV dedicada a BATA dá conta do importante labor social que realiza esta entidade.

 

 


“Que estraña vista dende aquí a vida!

E foi tan só unha presa

de agostos e outubros repregados…”

[Fragmento do ‘Estrañamente’, en ‘Os ángulos da brasa’, Tambo, Faktoría K de Libros (2012)]

Manuel Álvarez Torneiro falaba a través dos seus versos. Veterano xornalista, fondamente culto, xesto sobrio e vida humilde, o seu vencello coa literatura foi tardío pero teceu a través da lírica un fío irrompible coa memoria, co pensamento, coa esencia. Inaugurouse a nova etapa da colección Tambo con “Os ángulos da brasa”, que volveu latir, tímido pero vizoso, na súa voz sabia e rouca; e os premios fóronse sucedendo coa mesma paciencia, dozura e amabilidade coa que atendía unha entrevista tras outra: o Ánxel Casal da Asociación Galega de Editoras, o da Asociación de Escritoras e Escritores en Lingua Galega, o da Crítica Española e, como colofón, o Premio Nacional de Poesía que, por primeira vez, recaía nunha obra escrita en galego.

Onde nunca e mañá” e “Rigorosamente humano” tamén atoparon abeiro na mesma república insular das letras, onde as súas lectoras e lectores -aferrados a ese sustancioso legado poético- perderan toda esperanza de que o autor prendese lume novo na escrita. Porque para Torneiro todo estaba dito.

Deixounos silandeiro, fiel á súa discreta existencia. Envolto nos recordos, nas ausencias e nos silencios, no desexo do imposible, na convicción do inconformista, na pícara mirada do neno eterno, na vertixe do amor e da beleza. “A poesía é un xénero de rango superior” e poucos, como Torneiro, o alcanzaron con tanta certeza, honestidade e coherencia.

Ata sempre, mestre.

 


Las ilustraciones de Federico Delicado para «Un largo viaje«, de Daniel Hernández Chambers, y la traducción «Pippi Mediaslongas» en galego realizada por David A. Álvarez desde el original en sueco de Astrid Lindgren, han sido elegidas como candidatas de OEPLI a la Lista de Honor IBBY 2020.


A entrega dos Premios Amig@s de Pontevedra 2019 foi un acto alegre e compartido non só co equipo de KALANDRAKA, senón tamén con profesionais que veñen contribuíndo a facer realidade cada día o lema da editorial, Libros para soñar: autores e autoras, imprenta, distribución, asesoramento, libreiros, mediadores… Grazas por sumar nunha traxectoria que dura xa 21 anos e por seguir alentando a ilusión. Grazas ao colectivo Amig@s de Pontevedra e ao seu representante, o xornalista Xabier Fortes, por esta xenerosa semblanza.

Poucas circunstancias marcaron máis a fisionomía social e urbanística de Pontevedra nos últimos cincocentos anos que a súa designación como capital de provincia no primeiro terzo do século pasado. A capitalidade, en dura pugna con Vigo, conflito bélico incluído, supuxo a construción de boa parte da Pontevedra administrativa que hoxe coñecemos. Deputación, Audiencia Provincial, Goberno Civil, Concello… Entre esas iniciativas hai que enmarcar a chegada da primeira imprenta para publicar o Boletin Provincial, da que se encargou un impresor chegado de Compostela e chamado José María Villa.

Nesa labor collería relevo a familia Landín, pontevedresa coma poucas, que a finais do XIX imprimía na nosa cidade a primeira obra dun dos grades autores en lingua castelá, Ramón María del Valle-Inclán; Femeninas, seis historias de amor cargadas a medias do xa decadente romanticismo e do nacente modernismo. Na historia da literatura española -e polo tanto, universal- merece ser destacada esa data, 1895, na que en Pontevedra alumeaba un dos xenios das letras hispanas.

A mediados do XX, en plena posguerra incivil, e a pesar do perigoso que daquela era publicar ou ler segundo que cousas, outra editorial pontevedresa, a do inigualable Sabino Torres, faría posible a publicación dos primeiros poemarios en galego dun entón descoñecido Celso Emilio Ferreiro. Como tiñan que burlar a censura puxéronlle o nome a colección de Benito Soto, o pirata da Moureira, por canto se trataba evidentemente dunha edición medio pirata.

Dende finais desa centuria outra editorial, xa sen problemas de censura, mantén aceso o faro da tradición cultural, literaria e editorial en Pontevedra. Falamos de Kalandraka, fundada en 1998 cando se celebraba o Día do Libro Infantil e, na actualidade, unha referencia no álbum ilustrado en galego, en castelán e noutras linguas do Estado. Por iso conta co apoio de docentes, libreiros e da crítica especializada, un labor recoñecido recentemente coa Premio Nacional á mellor editorial de España.

No seu catálogo atopamos tamén álbums de creación propia con títulos avalados co Premio Nacional de Edición e de Ilustración, e o impagable traballo de rescate de clásicos infantís descatalogados dende hai moito tempo, e que deste xeito volveron os andeis de librarías en Galicia e en todo o Estado cando xa se consideraban perdidos e esquecidos.

Kalandraka edita cada ano uns 400.000 exemplares que levan o selo de Pontevedra por Galicia e por España adiante. Como di o seu director, Xosé Ballesteros, é dalgún xeito unha «embaixada cultural» da nosa cidade en feiras nacionais e internacionais do libro. Elaborar un libro en papel é unha mostra de amor e cariño, máis aínda cos nosos nenos e neste contexto de competencia das plataformas dixitais que reducen ao mínimo o seu tempo de lectura e, polo tanto, de formación humana e crítica. Se ademais boa parte desas publicacións fanse en galego, atopámonos diante dun labor titánico ao que, como di Ballesteros, non axudan as políticas das Administracións.

Ler e un dos maiores praceres da nosa vida. Ensinar a un neno a mergullarse no mundo dos cantos e da literatura, a reflexionar, a viaxar coa imaxinación a outros mundos sen fisicamente saír da súa vila, é a mellor forma de formar cidadáns libres e boas persoas. Podemos dicir, pois, que neste mundo tan duro e difícil que nos tocou, o labor de Kalandraka, como o de todas as editoriais ameazadas por esta era dixital, invita a ser, neste senso, algo máis optimistas sobre o futuro do xénero humano. Para Pontevedra debe ser motivo de orgullo contar coa súa presenza editorial entre nós e por iso quere distinguir a Kalandraka co cadro de honra de “Amigos de Pontevedra”, que lle fai entrega a Xosé Ballesteros o noso alcalde, Don Miguel Fernández Lores.