Compostela Saria

"CÁNDIDO Y LOS DEMÁS", FRAN PINTADERARENA ETA CHRISTIAN INARAJARENA, ALBUM IRUDIDUNAK EGITEKO NAZIOARTEKO XI. 'COMPOSTELA' SARIAREN IRABAZLE

Aho batez, "Cándido y los demás" izan da, Fran Pintaderak idatzi eta Christian Inarajak irudiz hornitutako lana, Album Irudidunak egiteko Nazioarteko XI. "Compostela" Sariaren irabazlea (Santiagoko Hezkuntza eta Herritartasun Departamentuak eta KALANDRAKAk antolatutako sariarena, alegia. Egileek 9.000 euro jaso dituzte aurrerakin gisa egile-eskubideengatik. Saritutako lana, bestalde, datorren azaroan argitaratuko da Iberiar Penintsulako bost hizkuntzetan.

Epaimahaiak aurkeztu diren lanen kalitatea eta aberastasuna nabarmenduko ditu. 18 herrialdetatik iritsi dira, haien artean Italia, Mexiko, Brasil, Grezia, Bretainia Handia, Portugal, Errusia, Argentina, Alemania eta Kanada.

"Cándido y los demás" lanari dagokionez, ezaugarri hauek azpimarratu ditu: "nolako tratamendua ematen dion desberdintasunari, dibertsitateari, bakoitzak bere buruari eta besteei begiratzeko moduari". Nabarmendu du, bestalde, "oso garaikideak direla hizkera eta gaiak, zuzeneko estiloa duela, koherentea, zirkularra, eta aberatsa dela grafikoki, gaur eguneko diseinutik hurbila".

Fran Pintadera (Las Palmas, 1982) Psikopedagogiako lizentziaduna da, diplomatua Gizarte-hezkuntzan, eta goi mailako teknikaria Integrazio Sozialean. Ahozko narratzailea da, antzerki sozialeko zuzendaria eta haurrentzako literaturako idazlea. Penintsulako narrazio jaialdi nagusietan hartu du parte. Haren lana, zenbait argitaletxek plazaratua, Cuatrogatos eta Germán Sánchez Ruipérez fundazioek hautatua izan da. 2017an "La luna de Aire" izeneko XIV. saria jaso du (Haurrrentzako poesia saria).

Christian Inaraja (Vic, 1972) irudigilea da argitaletxeentzat -ehundik gora liburu ditu argitaraturik-, eta kartelismoan ere aritzen da. Bestalde, kolaboratzailea da haur eta gazteentzako argitalpen espezializatu batzuetan. Erakusketak antolatu ditu bai Espainian bai beste herrialde batzuetan ere. Reusko Film Laburren Europako Jaialdiaren kozuzendaria da, eta Sabadelleko ILLA Arte Eskolako ilustrazio departamentuaren koordinatzailea, eta loturik dago Kataluniako Irudigileen Elkarte Profesionalarekin eta Haur eta Gazteentzako Liburuen Kataluniako Kontseiluarekin.

XI. edizioan, Album Irudidunak egiteko Nazioarteko "Compostela" Sarirako epaimahaikidea hauek osatu dute: Arianna Papini irudigile italiarra, Xabier P. Docampo idazlea, Miguel Ángel Fernández-Pacheco editorea, Xosé Cobas irudigilea, Hezkuntza eta Herritartasun Departamentuko zinegotzi Manuel Dios Diz, Manuela Rodríguez KALANDRAKAren izenean, eta María Dolores Casás idazkari-lanetan.

FINALISTA eta AIPAMENAK

Sariketaren lan irabazleaz gainera, epaimahaiak "La ensartadora de lágrimas" izeneko lana finalista deklaratu du. Lan hori, Anna Pedron eta Franca Perini italiarrek egina da, eta bizitzaz eta oinazea indar positibo bihurtzeko gaitasunaz hitz egiten du. Bestlde, oso ongi landutako irudiak ditu, iradokizun-karga handikoak".

Epaimahaikideek, bestalde, aipamen berezia egin diete beste bi lani: "Ninguén coma min (autobiografía dun tirano)", José Ignacio Chao Castrorena (A Coruña) eta Eva Sánchez Gómez (Bartzelona), eta "A cidade conta histórias", Susana Maria Seixas Alves Matosena (Lisboa).

Epaimahaiak bereziki gogoratu du Xabier P. DoCampo idazlea, pertsona eta lan literarioa, berriki hil baita. Esker ona eta aintzatespena izan ditu gogoan, laguntzaile saiatua baitzen Album Irudidunak egiteko Nazioarteko "Compostela" Saria. Lehenbiziko eta hamargarren edizioetan, epaimahaikide izan zen.

Album Irudidunak egiteko Nazioarteko "Compostela" Saria azkeneko 18 urteetan Santiagoko Udaleko Hezkuntza eta Herritartasun Departamentuak eta KALANDRAKAk irakurzaletasuna bultzatzeko udal kanpainaren parte da. Ekimen honen bitartez, irakurketa, irudia eta idazmena sustatu nahi dira haurren artean, eta, nola ez, sentsibilitate artistikoa landu.

Azkeneko hamar ediziootan 3.000 lanetik gora aurkeztu dira Album Irudidunak egiteko Nazioarteko "Compostela" Sarira. Honako liburu hauek sariketaren historiaren parte dira: "Hurbil", Natalia Colomborena; "Amets handi bat", Felipe Ugalderena; "Z familia", Pep Brunorena eta Mariona Cabassarena; "Olaj-en bidea", Martín León Barretorena; "Hegaztiak", David Álvarezena eta Julia Díazena; "Ama", Mariana Ruiz Johnsonena; "Ikaro", Federico Delicadorena; "Euria egin ondoren", Miguel Cerrorena; "Azken gutuna", Antonis Papatheodoulourena eta Samartzirena; eta "Ximunen baratzea", Rocío Alejandrorena.