Philiph Roth

Newark, Nova Jersey, 1933

En 1997 Philip Roth gañou o Premio Pulitzer pola obra "Pastoral americana". En 1998 recibiu a National Medal of Arts na Casa Branca, e en 2002 recibiu o maior premio da Academia Americana das Artes e das Letras, a Gold Medal in Fiction, coa que anteriormente se premiara a John Dos Passos, William Faulkner e Saul Bellow, entre outros. Gañou dúas veces o National Book Award, o PEN Faulkner Award e o National Book Critics Circle Award. En 2005 a obra "The Plot Against America" recibiu o premio da Society of American Historians por ser a "novela histórica máis destacada sobre un tema americano en 2003-2004" e foi nomeada Mellor Libro do Ano por The New York Times Review, San Francisco Chronicle, The Boston Globe, Chicago Sun-Times, Los Angeles Times Book Review, Washington Post Book World, Time, Newsweek, e moitos outros xornais. No Reino Unido, "The Plot Against America" gañou o W.H. Smith Literary Award ao mellor libro do ano, de xeito que Roth foi o primeiro escritor en acadar dúas veces este premio nos seus 46 anos de historia. En 2005 Roth tamén se converteu no terceiro escritor vivo en ter as súas obras publicadas nunha obra completa e definitiva pola Library of America. Os últimos dous volumes, dos nove que son en total, publicáronse no ano 2013. No ano 2011 recibiu a National Humanities Medal da Casa Branca, e tamén -por cuarta vez- o Man Booker International Prize. Ao ano seguinte recibiu o Premio Príncipe de Asturias de las Letras, o máis importante en España.