Antonio Vivaldi

Venecia, 1678; Viena, 1741

Antonio Lucio Vivaldi foi un neno de saúde delicada, que padecía unha grave afección asmática. Estudou música dende pequeno, primeiro co seu pai, que era violinista, e probablemente tamén co compositor e organista Giovanni Legrenzi.Era tal o seu virtuosismo que aos 25 anos xa foi nomeado "mestre de violín" e comezou a dar clases nun conservatorio e nunha escola para nenas orfas. Coa súa sona e o seu prestixio en aumento, en 1716 obtivo o título de "mestre de concertos" e comezou unha serie de xiras por toda Italia nas que o acompañaba a soprano Anna Giraud, con quen tivo unha grande amizade e que o acompañaría ata o final dos seus días. Foi coetáneo de importantes músicos europeos como Johann Sebastian Bach, Georg F. Handel ou Domenico Scarlatti. O seu legado musical componse de 600 concertos, 100 óperas e moitas obras para varios instrumentos. Entre todas as súas pezas, "As catro estacións" destaca pola beleza dos sons, que á vez vannos introducindo nun imaxinario paseo pola natureza. Esta obra está considerada actualmente como un dos mellores exemplos da música instrumental do Barroco.

Altri libri dello stesso autore in castigliano