Ratos na escola

Logo de «Os ratos da casa» e «Ratos de viaxe», as novas andanzas destes simpáticos roedores transcorren na escola, onde se divirten, aprenden e fan algunhas falcatruadas. Dende o punto de vista literario, «Ratos na escola» mantén a estrutura dos títulos precedentes, con estrofas de catro versos, rima consoante e palabras encadeadas. Este esquema acentúa o ritmo do relato, potencia a súa oralidade e facilita o seguemento da obra por parte dos primeiros lectores. A historia transcorre nun ambiente de xúbilo, humor e emoción polas experiencias tan diversas e enriquecedoras que van compartir. Ata que a xornada chega ao seu fin despois de visitar o ximnasio, a aula de música, a biblioteca e outras estancias do colexio.

A proposta plástica deste libro destaca polo seu luminoso colorido e polos abundantes detalles: patinetes e cascos, material deportivo, instrumentos, pinturas, libros… son parte da variopinta escenogafía creada por Natalia Colombo.